ЕҢБЕКТІ СҮЙГЕН ЖАНДАРДЫҢ МАРАПАТЫ

        2025 жылдың 4 желтоқсанында, Ақсуат ауданында «Ауыл» партиясы Абай облысы бойынша өңірлік филиалының төрағасы Смағұлов Қайрат Қанатұлы ауданға арнайы жұмыс сапары барысында Ауыл шаруашылығы саласындағы мемлекеттік құрылымдарының жұмысымен танысып, басшылық және ұжымымен кездесу өткізді. Соныменде, партияның 25 жылдық мерейтойына орай ауыл шаруашылығы саласында жауапты да адал қызмет етіп жүрген кәсіби мамандарға мерекелік медальдар табыстау рәсімі өткізілді.

       Кездесуде, «Қазақстан Республикасы Ауыл шаруашылығы министрлігі Агроөнеркәсіптік кешендегі мемлекеттік инспекция комитетінің Ақсуат аудандық аумақтық инспекциясының» басшысы Жоргатаев Каныбек Аскербекович «Ауыл» партиясына 25 жыл» мерекелік медалімен марапатталды.

         Сонымен қатар, «Абай облысы Ақсуат ауданының ауыл шаруашылығы, жер қатынастары және кәсіпкерлік бөлімінің» басшысы Ахметов Серик Таупикович осы мерекелік медальмен марапатталды. Мұндай мәртебелі марапаттың табыс етілуі – Ауыл шаруашылығы саласында аянбай еңбек етіп келе жатқан кәсіби мамандардың жауапкершілігін, олардың өңірдің дамуына қосқан үлесін бағалаудың айырықша дәлелі.

       Іс-шара, Ақсуат ауданы қызметкерлерінің санатты еңбегін дәріптеп, аграрлық, кәсіпкерлік саладағы ынталандыру сондай-ақ қолдаудың сарабдал үлгісі десек еш асылық емес.

«Ауыл» партиясы Абай облысы бойынша өңірлік филиалының баспасөз қызметі.