«СЕМЕЙ ПОЛИГОНЫНЫҢ ӘЛЕУМЕТТІК ЖӘНЕ ЭКОЛОГИЯЛЫҚ ЗАРДАПТАРЫ» ҚОҒАМДЫҚ ІС-ШАРАСЫ ҰЙЫМДАСТЫРЫЛДЫ

         2025 жылдың 4 желтоқсан күні, Семейдің Затон ауданында орналасқан тарихшы-ғалым Амантай Исиннің ғылыми кітапханасында «Ауыл» партиясы Абай облысы бойынша өңірлік филиалының ұйымдастыруымен «Семей полигонының әлеуметтік және экологиялық зардаптары» тақырыбында сарапшылар жиыны өтті.

        Шарада алдымен сөз алған өңірлік партия өкілі Е.Омарғалиев аталған тақырып негізінде өз ойларымен бөлісіп, «Семей қасіретінің» негізгі ақпараттарын баяндап беріп, оның тарихына қысқаша тоқталып өтті.

       Келесі кезекте, Амантай Исаұлының ғылыми баяндамасы оқылып, ол кісінің бала жасынан өз көзімен көрген атом сынағының салдары, уақиғалары соның ішінде жақын-туыстарының зардап шеккендігі айтылып, жиынның маңызын аша түсті. Жалғасынша «Абай облысының Экология департаментінің» инспекторы Асылан Әлібекұлы өңірдің экономикалық ахуалы, радиациялық зардаптар және бүгінгі күннің өзекті мәселелері турасындағы ақпараттарды ұсынды. Одан кейін де жиынға қатысушылар бар, ұстаздар мен жастар арасында өзара еркін ой-пікір алмасып, кезекпе-кезек сұрақ-жауап жүргізілді.

       Айта кетерлігі, жергілікті «ТВК-6» телеарнасының журналистері бұл жиынға қатынасып, БАҚ-ның аталмыш тақырыптағы бейнетүсірілім, сұхбат алу сәттері өткізілді.

      Сондай-ақ, бүгінгі шараның бір ерекшелігі тарихшы Амантай Исаұлының ғылыми кітапханасында ұйымдастырған «Семей полигонының әлеуметтік және экологиялық зардаптары» тақырыбы негізіндегі кішігірім «Семей Полигон қасіретінің көріністері» кітап көрмесінде:  Академик С.Балмұхановтың сонау 50-жылдардағы зерттеу деректері қамтылып, қоғам қайраткері  Кешірім Бозтаевтың «Семей полигоны» және »29 — тамыз», жазушы Медеу Сәрсекенің «Семей қасіреті», журналист Дәулет Сейсенұлының »Шежірелі Шыңғыстау», «Семипалатинский ядерный полигон» осы тақырып аясындағы түрлі ғылыми-зерттеу мазмұнындағы жинақтар және т.б. жергілікті айтулы ақындар: Т.Жанғалиев, Т.Әбдікәкімұлы, М.Оспанов, Б.Жақып сияқты ақындардың кітаптарынан «Полигон» жайындағы өлеңдері ұсынылды.

        Тарихшы-ғалым А.Исин қатысушыларға тағылымды экскурсия жүргізіп, аталмыш көрме жөніндегі қысқаша дәрістемесін баяндап берді.

        Аталмыш ғылыми кітапханадағы жиынның қуанышты жаңалығы: Профессор Амантай Исин өзінің «Ауыл» партиясының мүшелігіне өткенін хабарлап, арнайылап партия төсбелгісі тағылды. Соныменде өңірлік филиал атынан «Біздің ауыл өнімі» Ауыл шаруашылығы журналы мен партия өкілі Е.Омарғалиевтің «Тәңірмен тілдесу» (әлем әдебиеті аудармалар) кітабы ұсынылды.

        Осындай жиында, ұстаздар мен жастар тағы басқа қоғамдық қызмет өкілдерінің «Туған жер тағдырына» бей-жай қарамайтындықтары да айқындалды.

«Ауыл» партиясы Абай облысы бойынша өңірлік филиалының баспасөз қызметі.