БАЛАЛАРЫМЫЗДЫҢ ЖАРҚЫН БОЛАШАҒЫ – «АУЫЛ» ПАРТИЯСЫНЫҢ НАЗАРЫНДА

(1 МАУСЫМ – ХАЛЫҚАРАЛЫҚ БАЛАЛАРДЫ ҚОРҒАУ КҮНІ МЕРЕКЕСІНЕ ОРАЙ)  

         1 маусым – Халықаралық балаларды қорғау күні – күллі адамзаттың ең қымбат қазынасы – балаға деген сүйіспеншілік пен қамқорлықтың айырықша белгісі. Осы аталмыш мерекеге орай «Ауыл» партиясының Абай облысы бойынша өңірлік филиалы барлық балаларды,  ата-аналарды, ұстаздар мен қоғам белсенділерін шын жүректен құттықтайды!

         «Ауыл» партиясы баланың құқығы, денсаулығы, сапалы білім алуы мен қауіпсіз ортада өсуі – мемлекеттің басты құндылығы деп есептейді. Осы бағытта жалпы  партия көлемінде  бірқатар маңызды жобаларды жүзеге асырып келеді.

          Атқарылған негізгі шаралар мен жобалар:

           «Ауыл баласына – сапалы білім» жобасы аясында шалғай ауыл мектептерінде қосымша білім беру курстары мен үйірмелер ашылды. Ерікті жас мамандар тартылып, IT және робототехника бағытында сабақтар өткізілді.

        «Кітап – баланың рухани азығы» акциясы арқылы ауылдық кітапханалар мен мектептерге 1500-ден астам балалар әдебиеті сыйға тартылды.

        Әлеуметтік қолдау бағдарламасы шеңберінде көпбалалы және аз қамтылған отбасылардың балаларына мектеп формасы, оқу құралдары мен спорт жабдықтары табысталды. Жергілікті демеушілердің қолдауымен жазғы демалыс лагерлеріне жолдамалар берілді.

        «Салауатты бала – жарқын болашақ» бағдарламасы аясында спорт алаңдары жаңартылып, ауыл балалары үшін футбол, волейбол секциялары мен ұлттық ойын түрлері қайта жанданды.

       Болашаққа бағытталған жоспарлар:

– Ауыл балаларына арналған қосымша білім беру орталықтарын көбейту;

– Психологиялық қолдау кабинеттерін ашу;

– Ерекше қажеттілігі бар балалар үшін бейімделген орта қалыптастыру;

– Ауыл балаларының шығармашылық қабілетін дамытуға арналған облыстық «Дарын» орталықтарымен тығыз байланыс орнату.

       Құттықтау сөз:

       Бала – әрбір отбасының үміті, елдің алтын болашағы. Олардың қамқорлығы мен амандығы – біздің басты мақсатымыз. Халықаралық балаларды қорғау күні – жай мереке ғана емес, бұл – балалардың мүддесін қорғау жолындағы жауапкершілікті еске салатын күн. «Ауыл» партиясы бұл бағыттағы жұмысын жалғастыра береді.

«Ауыл» партиясы, Абай облысы бойынша өңірлік филиалының баспасөз қызметі.