САЙЫПҚЫРАН.KZ Ақпаратты-сараптамалық порталы АҚПАРАТ ӘЛЕМДІ БИЛЕЙДІ!
Өнеркәсіп. Мақтаарал ауданы кәсіпорындары (шағын, қосалқы кәсіпорындар, үй шаруашылығы секторын қоса алғанда) 2020 жылдың қаңтар-қазанда кәсіпорында қолданып жүрген бағамен 13809785 млн. Теңгенің өнімін шығарып, өнімнің нақты көлем индексі бойынша өткен жылдың осы мерзімімен салыстырғанда 107,9 % құрады.
Ауыл шаруашылығы. 2020 жылдың қаңтар- қазанда Мақтаарал ауданы бойынша ауыл шаруашылығы өнімдерінің жалпы көлемі 43879,6 млн. теңгені (қолданыстағы бағамен ) құрады, бұл 2019 жылмен салыстырғанда нақты көлем индексі 99,5 % болды. Оның ішінде өсімдік шаруашылығы бойынша 34028,0 млн. теңге, мал шаруашылығы бойынша 9714,7 млн. теңгені болды.
Сауда. Мақтаарал ауданы бойынша көтерме сауда 3849,7 млн. теңгені құрап өткен жылдың тиісті кезеңіне 93,7 %, бөлшек сауда тауар айналымы 2471,5 млн. болып өткен жылдың осы кезеңімен салыстырғанда 91,3 %.
Еңбек рыногы. Мақтаарал ауданы бойынша 2020 жылдың үшінші тоқсанында ірі, орта және шағын кәсіпорындар, мекемелер мен ұйымдардағы жұмыс істейтін қызметкерлердің есепті саны 12,4 мың адам болып тұр.
2020 жылғы үшінші тоқсанына қызметкерлерге есептелген орташа айлық атаулы жалақы 138880 теңгені құрап, бұл 2019 жылғы үшінші тоқсанына қарағанда 132,4 % құрады.
Демографиялық процестер. 2020 жылдың 1 қарашасында Мақтаарал ауданындағы халық саны 133,1 мың адам, халықтың табиғи өсімі 2090 адам, туу- 2658 адам, қайтыс болғандар 568 адам. Тиісті кезеңде некеге тұрғандар- 514 отбасы, ажырасқандар-49. Осы кезеңде көші-қон бойынша келгендер-5627 адам, кеткендер – 6160 адам.
Тұрмыс деңгейі. 2020 жылғы қарашаға Мақтаарал ауданы бойынша ең төмен күнкөріс деңгейінің шамасы, орта есеппен 2020 жылғы қарашамен салыстырғанда 3,7 % артып және 34062 теңгені құрап отыр.
Р.АЙДАРОВ,
Мақтаарал ауданының
Статистика басқармасының басшысы.
