ХАЛЫҚ ЕРКІН БІЛДІРЕТІН МАҢЫЗДЫ САЯСИ ҮДЕРІС

           Елімізде 23 тамызда елімізде өтетін Құрылтай сайлауы – азаматтардың қоғамдық-саяси өмірге белсенді қатысуына мүмкіндік беретін маңызды шаралардың бірі. Сайлау барысында әрбір азамат өз таңдауын жасап, қоғамның дамуына өз үлесін қоса алады. Сондықтан сайлау туралы нақты әрі объективті ақпаратқа сүйену – әрбір сайлаушы үшін маңызды.

        Құрылтай – елдің қоғамдық-саяси дамуына қатысты мәселелерді талқылауға және азаматтық қоғам өкілдерінің пікірін ескеруге бағытталған маңызды институттардың бірі. Сол себепті де оның құрамын қалыптастыру барысында ашықтық, заңдылық және әділдік қағидаттары басшылыққа алынып, сайлау үдерісі Қазақстан Республикасының қолданыстағы заңнамасына сәйкес ұйымдастырылады. Сайлау комиссиялары дауыс беру процесінің заң талаптарына сай өтуін қамтамасыз етеді. Азаматтар өздерінің сайлау учаскесіне келіп, жеке басын куәландыратын құжат арқылы дауыс бере алады. Сонымен қатар, сайлау кезінде барлық қатысушылардың құқықтарының сақталуы, дауыс берудің құпиялығы және сайлаудың ашықтығы басты назарда болады.

           Түрлі себептерге байланысты еліміздің  ақпараттық кеңістігінде түрлі мәліметтер таралуы мүмкін. Сондықтан сайлауға қатысты ақпаратты тек ресми мемлекеттік органдардың және сайлау комиссияларының хабарламалары арқылы тексеру қажет. Бұл жалған ақпараттың таралуына жол бермей, азаматтардың дұрыс шешім қабылдауына ықпал етеді.

         Қорыта айтсақ, алдағы сайлау – әр азаматтың ел өміріндегі маңызды шешімдерге қатысуының заңды тетігі. Сол себепті белсенді азаматтық ұстаным танытып, өз таңдауыңызды саналы түрде жасаңыз. Есіңізде болсын, қоғамның тұрақты дамуы мен ашық саяси мәдениетті қалыптастыру әрбір азаматтың жауапкершілігіне де байланысты.

      Айгүл ҚАСЫМОВА, педагог.

Атакент кентінің тұрғыны.