АБАЙ ОБЛЫСЫНЫҢ ӨҢІРЛІК ПАРТИЯ ФИЛИАЛЫ «ЕҢБЕК АДАМЫ» ИДЕЯСЫН ТҮСІНДІРУ АЯСЫНДА ЖҰРТШЫЛЫҚПЕН КЕЗДЕСУ ӨТКІЗДІ

           Абай облысында «Ауыл» партиясының өңірлік филиалы «Еңбек адамы» идеясын түсіндіруге арналған кездесу өткізді. Іс-шараға, партия активі мен жергілікті қарапайым жұмысшы тұрғындар қатысып, еңбекқорлық, адалдық және жауапкершілік сияқты адамгершілік құндылықтарды дәріптеу мәселелерін өзара талқылады.

          Кездесудің мақсаты – қоғамда еңбек адамын қолдау, қарапайым еңбек иелерінің қоғамдағы мәртебесін арттыру және жастарды адал еңбекке шақырып, тәрбиелеу.

            Партия өкілдері өз сөздерінде еңбек мәдениетін қалыптастырудың, кәсіби мамандардың беделін көтерудің және ауыл шаруашылығы мен өндіріс саласында адал еңбектің маңызын атап өтті. Сонымен қатар, еңбек адамын қоғамның басты қозғаушы күші ретінде тану қажеттігіне ерекше назар аударылды.

         – «Еңбек – елдің тірегі, ал, еңбек адамы – қоғамның арқауы. Әрбір азаматтың өз ісіне адал болуы, кәсібін сүйіп атқаруы – ел дамуының кепілі. Сондықтан да, біз, «Еңбек адамын» үлгі тұтып, оны қоғамда лайықты дәрежеде бағалауымыз қажет», – деді партия өкілі өз сөзінде.

        Іс-шарада, қатысушылар «Еңбек адамын» қолдаудың нақты тетіктерін, оның ішінде кәсіптік білім беруді жетілдіру, еңбек ұжымдарындағы әлеуметтік жағдайды жақсарту және жастар арасында еңбекке құрмет сезімін қалыптастыру бағыттарын талқылады.

         Кездесу Ел Президенті Қасым-Жомарт Кемелұлы Тоқаевтың «Жұмысшы мамандықтар жылы» аясында жүзеге асып жатқан бастамалармен үндеседі. Мемлекет басшысы өз Жолдауында еңбек адамының мәртебесін көтеру және қоғамдағы әділетті еңбекақы жүйесін қалыптастырудың маңыздылығын атап өткен болатын.

         Аталған шара, осы бағыттағы нақтылы қадамның бірі. «Еңбек адамы» идеясын насихаттау арқылы партия өкілдері елдің әлеуметтік және рухани дамуының басты құндылығы – адал еңбек екенін кеңінен түсіндіруді мақсат тұтады.

        Кездесу барысында, еңбек мәдениеті, кәсібіне адал болу және еңбек адамының қоғамдағы беделі туралы маңызды ойлар өңірлік филиал өкілдері тарапынан айтылып өтіп, жиылған әлеумет бұл кездесу соңында осындай игі істерге мұрындық танытатын шаралар көптеп ұйымдастырылса деген ізгі ниетпен тарады.

         Бұл кездесудің еңбек мәдениетін дәріптеу, жастарды еңбекке баулу және қоғамда ізгілік пен еңбексүйгіштікті нығайту бағытында маңызы зор болып саналады.

«Ауыл» партиясы Абай облысы бойынша өңірлік филиалының баспасөз қызметі.