СЫБАЙЛАС ЖЕМҚОРЛЫҚҚА ЖОЛ ЖОҚ

           Қазіргі қоғамда сыбайлас жемқорлық – елдің дамуына кедергі келтіретін ең қауіпті құбылыстардың бірі. Ол мемлекетке ғана емес, әрбір азаматтың болашағына кері әсерін тигізеді. Сондықтан сыбайлас жемқорлыққа қарсы күрес – баршаға ортақ міндет.

       Сыбайлас жемқорлық дегеніміз – қызметтік өкілеттілікті жеке пайда үшін пайдалану. Бұл пара алу, қызмет бабын теріс пайдалану, заңсыз жеңілдіктер жасау сияқты әрекеттерді қамтиды. Мұндай іс-әрекеттер қоғамдағы әділдік пен сенімге нұқсан келтіреді. Егер адамдар заңды айналып өтіп, өз пайдасын ойлайтын болса, онда қоғамда теңдік болмайды.   Осы себепті елімізде сыбайлас жемқорлыққа қарсы күреске ерекше көңіл бөлінуде. Арнайы заңдар қабылданып, түрлі бағдарламалар жүзеге асырылып келеді. Мемлекеттік мекемелерде ашықтықты қамтамасыз ету, электронды қызметтерді дамыту, азаматтардың құқықтық сауаттылығын арттыру – осы бағыттағы маңызды шаралардың бірі.

        Жемқорлықтың алдын алу ең алдымен тәрбиеден басталады. Әрбір адам адалдықты, әділдікті және жауапкершілікті бала кезден бойына сіңіруі тиіс. Мектеп қабырғасында оқушыларға адал еңбек ету, өзгенің еңбегін бағалау, заңды құрметтеу сияқты құндылықтарды түсіндірудің маңызы зор.

        Сыбайлас жемқорлыққа қарсы мәдениетті қалыптастыру – қоғамның басты міндеттерінің бірі. Сондықтан да, әрбір азамат бұл мәселеде заң бұзушылықтарға бей-жай қарамауы керек. Егер әр адам адалдықты өмірлік ұстанымына айналдырса, онда қоғамда әділдік орнап, мемлекетіміздің дамуы қарқынды болмақ.

        Қорыта айтқанда, сыбайлас жемқорлыққа жол бермеу – ел болашағын қорғаудың маңызды қадамы. Адалдық пен әділдік үстемдік құрған қоғам ғана жарқын болашаққа нық қадам жасай алады. Сондықтан бәріміз бірігіп, сыбайлас жемқорлыққа қарсы тұруымыз қажет.

Нұрлыбек МУТАЕВ,

Қазыбек би ауылдық округінің әкімі. 

Жетісай ауданы.