ПАРТИЯ АКТИВІНІҢ ЖҰРТШЫЛЫҚПЕН КЕЗДЕСУІ: «ӘДІЛДІК ПЕН ЖАУАПКЕРШІЛІК» ИДЕОЛОГЕМАСЫ ТҮСІНДІРІЛДІ

           2025 жылдың  желтоқсан айының алғашқы аптасында, «Ауыл» партиясы Абай  облысы бойынша өңірлік филиалы жастармен дәлірек айтқанда, «Қазтұтынуодағы агробизнес және экономика колледжінің» 1-курс студенттерімен ашық әрі еркін форматтағы кездесу өткізіп, «Әділдік пен жауапкершілік» идеологемасының негізгі мазмұнын  түсіндірді. Жиынға, партия белсенділері, бір топ жастар қауымы  қатысты.

          Кездесу барысында,  партия өкілдері аталған идеологеманың қоғамдағы маңызын, мемлекет пен азамат арасындағы қарым-қатынастағы рөлін талқылады. Әділдік, ашықтық, жауапкершілік, заң үстемдігі, азамат құқығын қорғау, әлеуметтік қолдау және мемлекеттік қызмет сапасын арттыру мәселелері сөз болды.

          Спикер Е.Омарғалиевтің  айтуынша, «Әділдік пен жауапкершілік» – тек ұран емес, елдің әлеуметтік-экономикалық дамуында басым бағыттардың бірі. Әрбір мемлекеттік орган, қызметкер және қарапайым азамат осы қағиданы күнделікті өмірде ұстанғанда ғана қоғамда сенім мен тұрақтылық қалыптасады.

          Аталған кездесуде, сондай-ақ, жастар қауымы өз ойларын ортаға салып, сауалдарын қойды. Сонымен де  жергілікті өзекті деп танылған кей мәселелер көтеріліп, тиісінше бірер ұсыныстар жасалды. Партия өкілдері А.Жакупова мен Е.Омарғалиев  барлық ұсыныс пен сұрақтың назарға алынатынын және де өз шешімін табатынына сенім білдірді.

         Жиын соңында, қатысушылар, мұндай ашық форматтағы кездесулердің қоғамға пайдалы екенін айтып, бірқатар бастамаларды қолдады.

«Ауыл» партиясы Абай облысы бойынша өңірлік филиалының баспасөз қызметі.