ЕҢБЕК ЕЛЕНГЕН КҮН

          2025 жылдың 3 желтоқсанында, Жарма ауданына айтулы күндердің бірі болды. Бұл күні «Ауыл» партиясы Абай облысы бойынша өңірлік филиалының төрағасы Смағұлов Қайрат Қанатұлы ауданға арнайы жұмыс сапарымен барды. Сапарда, ауданның Ауыл шаруашылығы саласындағы мемлекеттік құрылымдарының қызметімен танысып, бірқатар мекемелердің басшыларымен кездесті. Сонымен қатар, партияның 25 жылдық мерейтойына орай ауыл шаруашылығы саласында жауапты қызмет атқарып жүрген мамандарға мерекелік медальдар табыс етілді.

         Кездесу барысында, ең алдымен, «Қазақстан Республикасы Ауыл шаруашылығы министрлігі Агроөнеркәсіптік кешендегі мемлекеттік инспекция комитетінің Жарма аудандық аумақтық инспекциясының»   басшысы Нағыметжанова Сания Ганиевна «Ауыл» партиясына 25 жыл» мерекелік медалімен марапатталды.

         Айта кету керек, Сания Ганиевна – ауданның Ауыл   шаруашылығы бағытындағы қауіпсіздік пен бақылау саласында бірқаншама жылдық тәжірибесі бар білікті басшы. Оның ауылдық аймақтағы өсімдік және мал шаруашылығы өнімдерінің сапасын бақылау, ветеринариялық талаптардың сақталуын қадағалау, аграрлық салада қауіпсіз еңбек орта қалыптастыру бағытындағы еңбегі атап өтіліп, марапат иесіне партия атынан жылы лебіз айтылды.

          Сонымен қатар, «Абай облысы Жарма ауданы Кәсіпкерлік және Ауыл шаруашылығы бөлімінің» басшысы Абишева Гульназ Кенжебаевна да осы мерекелік медальмен марапатталды.

         Гүлназ Кенжебаевна ауданның экономикалық дамуына, ауыл шаруашылығы жобаларын қолдау, шағын және орта кәсіпкерлікті жетілдіру бағытында нақты нәтижелерге қол жеткізіп жүрген білікті мамандардың бірі ретінде танылды. Оның ауыл кәсіпкерлігін дамытудағы бастамалары мен аграрлық саланың тиімділігін арттыру жолындағы жүйелі еңбегі ерек бағаланды.

         Сапар аясында, Қайрат Қанатұлы аудан басшыларымен және сала мамандарымен ауыл шаруашылығын дамыту, аграрлық секторды қолдауға бағытталған мемлекеттік бағдарламалардың жүзеге асырылуы, ауылдық инфрақұрылымды жақсарту мәселелерін талқылап өтті. Сонымен қатар, өңірлік филиал тарапынан алдағы уақытқа жоспарланған жобалар туралы мәлімет беріліп, бірлескен жұмысқа дайындық білдірілді.

        Мұндай мерекелік марапаттардың табысталуы – Ауыл шаруашылығы саласында елеулі еңбек етіп жүрген мамандардың кәсіби жауапкершілігін, олардың өңірдің дамуына қосқан үлесін бағалаудың жарқын дәлелі іспетті.

         Аталған іс-шара, Жарма ауданы қызметкерлерінің есіл еңбегін дәріптеп, аграрлық саладағы ынталандыру мен қолдаудың жақсы үлгісі  деп атап айтуға тұрарлық дүние.

 «Ауыл» партиясы Абай облысы бойынша өңірлік филиалының баспасөз қызметі.