ЖАСТАРҒА «ЗАҢ ЖӘНЕ ТӘРТІП» ИДЕОЛОГЕМАСЫ ТҮСІНДІРІЛДІ

        2025 жылдың желтоқсан айының алғашқы аптасында, «Шәкәрім университетінің» ғимаратында, «Ауыл» партиясы Абай облысы бойынша өңірлік филиалы бір топ студент жастармен кездесу өткізіп, «Заң  және тәртіп» идеологемасының  мазмұнын түсіндірді.

        Жиынға, Семей қаласындағы ең алдыңғы қатарлы «М.О.Әуезов атындағы педагогикалық колледжінің» студенттері сондай-ақ жергілікті партия белсенділері қатысты.

        Кездесу барысында, заң үстемдігі, қоғамдық қауіпсіздік, құқықтық мәдениет, азаматтардың құқықтары мен міндеттері, сыбайлас жемқорлықпен күрес және мемлекеттік қызметтің ашықтығы секілді мәселелер талқыланды.

        Спикер Е.Омарғалиевтің айтуынша, «Заң және тәртіп» – қоғамдағы тұрақтылық пен әділдіктің ең басты кепілі.

       Онда студенттердің  құқықтық тәрбие жөні,  тұрғындардың құқықтық сауатын арттыру және қоғамдағы тәртіпті нығайтудағы рөліне  тоқталып өтті.

       Кездесуде, бірқатар  ұсыныстар айтылып, өзара еркін ой-пікір алмасу сәті жүргізілді.

        Жиын соңында, филиал өкілдері А.Жакупова мен Е.Омарғалиев студенттер қауымымен осындай нық қарқындағы ынтымақтастық одан әрмен жалғасатынын, заң аясындағы кей ұсыныстар назарға алынатыны да тілге тиек етілді.

       Қатысушылар  бұндай мазмұндық ашық диалогтың қоғам үшін маңызды екенін атап айтты.

«Ауыл» партиясы Абай облысы бойынша өңірлік филиалының баспасөз қызметі.