ЖАҢА ФОРМАТТАҒЫ – МҰҒАЛІМ

        Қазіргі кезде білім беру мазмұны жаңарып, жаңа көзқарас пайда болып, оқытудың жаңа технологиясы  өмірге келді. Яғни педагогикалық жаңа технология ұғымы  іс-әрекетімізге кеңінен еніп, қолданылуда.  Заман бізден өзімен  бірге жаңаруды, заман талабына сай өзгеруді талап етеді.  Елбасымыз  айтқандай: «Біз бәріміз  жаңарып , жас өспірім буынды  жаңаша тәрбиелеуіміз керек» деген алдымызда жаңару, өзгеру  міндеті тұр. 

     Жаңа форматтағы  мұғалім кім? Менің ойымша, қазіргі кезде барша ұстаз қауымы жаңа форматта болуы міндетті. Себебі, мына жылдам дамып келе жатқан заманда білім алып жатқан ұрпаққа сапалы да, саналы  жаңа форматта білім беру үшін өзіміз де заман талабына сай барлық жаңа технологиялармен қаруланған болуымыз керек.  Ол – өз  мамандығын,  өз  пәнін,  барлық  шәкіртін,  мектебін  шексіз  сүйетін  адам  болуға  тиіс.

       Өз  ісіне    болған  сүйіспеншілік   қана,   оны  қиын  әрекетке  қызықтырады,  іске  батыл  кірісуге  септігін  тигізеді.  Сондай  болғанда  ғана,    жас шәкіртердің  жүрегінде   мәңгі  ұстаз  болып  қалады. Ұстаздардың  ондай  қадір – қасиет,   құрметке  бөленуі  өзін  қоршаған  ортамен  әрбір  шәкіртіне  сезімталдықпен,  жауапкершілікпен  қарым – қатынас  жасауында. Өйткені,  ұстаздың  қарапайымдылығы,  мәдениеттілігі,  сыпайылығы,  жан – жақты  білімі  шәкіртке  де,  ата  – анаға,  жұртшылыққа  үлгі  өнеге.  Қай  уақытта  болсын  ұстаздың  бар  уақыты  ізденіс  үстінде  өтеді.

           Ол  білімін  үздіксіз  толықтырып  отырады,  шеберлігін  шыңдайды,  оқушының  білімге  деген  ынтасымен  өзіне  деген  сеніміне  дақ  түсірмеу  үшін  өмір  бойы  атсалысады.Мұғалімнің жұмысы күрделі екендігі баршаға аян. Бүгінгі сабақты өткізген соң, ертеңгі сабаққа тың ой, жаңа идея, өзгеше әдіс-тәсілмен келу керек.  Қазіргі таңдағы ұстазға деген талап жан-жақтылықты қажет етеді. Ал осы талапқа сай болып, білімді де білікті, жаңа форматтағы ұстаз  атану үшін мұғалімдер дамылсыз білімін шыңдап отыруы қажет деп білемін.Сол сияқты біздің мектебімізде сындарлы оқытуды қолға алған. Сындарлы оқытудың оқушы мен мұғалімге берері мол. Оқушы өз ойын еркін жеткізіп, сұрақ құрып, сөйлеу тілі дамып, достары арасындағы ынтамақтастығы артса, ал  мұғалім оқушыларға көпірше болу арқылы тек бағыт – бағдар бере алады. Бүгінгі сабағына кері байланыс алып, ертеңгі сабақты дұрыс, оқушыға қызықты етіп жоспарлауға мүмкіндік жасалған. Сындарлы оқытудың ең басты талабы: жоспарды дұрыс құру, сабақтың мақсаты мен күтілетін нәтижесін дұрыс жоспарлау.

           «Мәңгілік елдің» болашақ жастарын тәрбиелеуде жаңа сарында білім беру әрбір ұстаздың борышы деп білемін. Оқушыларға сапалы да, саналы білім беруде алдымызға жан салмай еңбек етуге міндеттіміз.Себебі еліміздің болашағы осы жастардың қолында.

           Қорыта келе, тоқсан ауыз сөздің тобықтай түйіні бар демекші, Абай атамыздың;

Ақырын жүріп анық бас,

Еңбегін кетпес далаға.

Ұстаздық еткен жалықпас,

Үйретуден балаға- деген өлең жолдарымен аяқтағым келеді.

Канатбек  ШАЛАТАЕВ,

№ 39 «Асықата» ЖОМ-ның

технология пәні мұғалімі.