ЖЕТІСАЙДА «МЕКТЕПКЕ ЖОЛ» РЕСПУБЛИКАЛЫҚ АКЦИЯСЫ ӨТТІ
Posted by: Қалмұрат
in PRESS RELEASE, Білім саласы, Жаңалықтар, Жас буын, Мерекелік шара, Өзекті мәселе
22/08/2022
283 Views
Жетісай ауданы әкімдігі мен Жетісай ауданы адами әлеуетті дамыту бөлімінің ұйымдастыруымен аудандағы аз қамтамасыз етілген және көпбалалы отбасы балаларының мектеп бағдарламаларына қатыспауын болдырмау, сабақтарына толық қатысуларын қамтамасыз ету мақсатында дәстүрге айналған «Мектепке жол» Республикалық акциясы өтті.
Акция барысында мектеп оқушыларына сабаққа қажетті оқу құралдары, кітап-дәптерлері мен қалам-сөмкелері, мектеп формалары арзан бағада сатылды.
1000-нан астам ата-аналардың қатысуымен өткен жәрмеңке облыс және аудан аумағындағы мектеп оқушыларының киім үлгісін өндірушілері мен сатушылары, кеңсе тауарлары мен мектепке қажетті заттарды сатушы 43 кәсіпкер аудан тұрғындары үшін өз өнімдерін, тауарларын базар бағасынан 10-15 пайыз төмен бағада ұсынды.
«Ұйымдастырылып отырған акцияның негізгі мақсаты – жаңа оқу жылына дайындық уақытында аз қамтамасыз етілген және көпбалалы отбасылардан шыққан оқушыларға қолдау көрсету, жетім балаларға, ата-анасының қамқорлығынсыз қалған балаларға, көп балалы отбасы балаларына мүмкіндігінше көмек көрсету. Жақсылық жасауға кәсіпкерлерді жұмылдыру» дейді Жетісай ауданы адами әлеуетті дамыту бөлімінің басшысы Тұрсын Мырзалиев.
Іс-шара барысында келушілерге көтеріңкі көңіл-күй сыйлау мақсатында аудан өнерпаздары әннен шашу шашты. Өнерлерін көпшілікке паш етті.
Бауыржан НАЙМАНОВ,
Жетісай ауданы.
Жәрмеңке Жетісай Мектеп Мектепке жол акциясы 2022-08-22
САЙЫПҚЫРАН.KZ Ақпаратты-сараптамалық порталы АҚПАРАТ ӘЛЕМДІ БИЛЕЙДІ!
