СЫБАЙЛАС ЖЕМҚОРЛЫҚ ҚЫЛМЫС ТУРАЛЫ АҚПАРАТТЫ ДА ОСЫ ЖЕРДЕН ТАБУҒА БЛАДЫ

       Енді сыбайлас жемқорлық қылмыс туралы ақпаратты eGov.kz порталы мен eGov mobile мобильді қосымшасынан алуға болады.

       Қызмет онлайн режимінде қолжетімді және тегін көрсетіледі. Жаңа қызметтің көмегімен:

• азаматтық қызметке кіру кезінде;

• квазимемлекеттік сектор субъектілеріне жұмысқа орналасу кезінде сыбайлас жемқорлық қылмыстың болуы немесе болмауы туралы мәліметтер алуға болады.

          Бұған дейін мәліметтерді Қазақстан Республикасы Бас прокуратурасының Құқықтық статистика және арнайы есепке алу комитеті және оның өңірлік басқармалары азаматтардың жеке өтініштері бойынша «Е-otinish» азаматтардың өтініштерін қабылдау мен өңдеудің бірыңғай платформасы арқылы алуға болатын.

          Мәліметтер жұмыс берушіге ұсынылғаннан кейін, жұмысқа қабылдау туралы шешімді жұмыс беруші қабылдайды. ҚР Еңбек кодексіне сәйкес, сыбайлас жемқорлық қылмыс жасаған адамды квазимемлекеттік сектор субъектілеріне жұмысқа орналасуына жол берілмейді.

       Бұл жаңартулар Қазақстан Республикасы Президентінің бюрократиядан арылту туралы Жарлығы шеңберінде жүзеге асырылғанын атап өткен жөн, оның маңыздылығы – мемлекеттік басқарудың барлық салаларын цифрлық трансформациялау және жүйелі реинжинирингтеу.

        «Сыбайлас жемқорлық қылмыс жасау туралы мәліметтер мемлекеттік қызмет пен квазимемлекеттік сектордың болашақ қызметкерлері үшін қажет. Қолайлы болу, уақытты үнемдеу үшін, мемлекеттік органдармен бірлесіп, оны онлайн форматқа ауыстырдық. Сонымен қатар,  бұл қызмет түрі танымал, іске қосылған сәттен бастап 98 мыңнан аса адам  мәлімет алды. Сонымен қоса, жақын арада біз қызметті үшінші тұлғалардың сервисі арқылы іске қосамыз», – деп атап өтті «Ұлттық ақпараттық технологиялар» АҚ Басқарма төрағасы Ростислав Коняшкин.

      eGov.kz порталында жаңа қызметті алу үшін пайдаланушылар:

      – порталда авторизациядан өтуі қажет;

      – басты бетте «Азаматтарға» – «Жұмысқа орналастыру және жұмыспен қамту» – «Жұмысқа орналастыру және жұмыс іздеу» бөлімін таңдау қажет;

       – «Адамның сыбайлас жемқорлық қылмысы туралы мәліметтер беру» қызметін таңдап, «Қызметке онлайн тапсырыс беру» батырмасын басу қажет;

     – қызметке ЭЦҚ қою және алу.

      Қызмет көрсету мерзімі:

      – 10 минут;

       – қосымша тексеру қажет болған жағдайда – 5 жұмыс күні;

       – қосымша тексеру жүргізілген жағдайда, 3 жұмыс күні ішінде көрсетілетін қызметті беруші сұрау салуды алған сәттен бастап 20 жұмыс күні өткен соң қайта өтініш беру қажеттігі туралы аралық жауап жолданады.

            Қызмет көрсету нәтижесі Хабарлама болып табылады, жеке кабинетте «Қызметтер тарихы» бөлімінде түпкілікті процестік шешім қабылданбаған сыбайлас жемқорлық баптары бойынша қозғалған қылмыстық істің болуы не болмауы туралы мәліметтер болады.

       Бұл ретте аталған қызмет түрі eGov mobile мобильді қосымшасының «Жұмысқа орналастыру және жұмыспен қамту» бөлімінде қолжетімді. Мәліметтер eGov mobile-ге Хабарландырулар бөліміне жіберіледі.

       Толық бейне нұсқаулыққа сілтеме: https://www.youtube.com/watch?Ryk

       Қызмет «Ұлттық ақпараттық технологиялар» АҚ, Қазақстан Республикасы Цифрлық даму, инновациялар және аэроғарыш өнеркәсібі министрлігінің Мемлекеттік қызметтер комитеті мен Қазақстан Республикасы Бас прокуратурасының бірлескен жұмысының арқасында жүзеге асырылды.

«ҰАТ» АҚ Қоғаммен байланыс басқармасы

www.nitec.kz  

       Анықтама: «Ұлттық ақпараттық технологиялар» АҚ «электрондық үкіметтің» инфокоммуникациялық инфрақұрылымының және мемлекеттік органдардың бірыңғай көлік жүйесінің операторы болып табылады, сондай-ақ орталық және өңірлік мемлекеттік органдардың ақпараттық жүйелеріне жүйелі және техникалық қызмет көрсетуді қамтамасыз етеді.

Қосымша ақпарат алу үшін мына телефонға хабарласыңыз:

Асия МУСАБЕК.

press@nitec.kz  +7 (7172) 701665 ішкі. 3033