«КЕЛЕШЕК» – БАЛАНЫҢ БОЛАШАҒЫНА ЖАСАЛҒАН ЖИНАҚ

         Баланың болашағына бүгіннен бастап инвестиция жасау – әр ата-ананың маңызды міндеттерінің бірі. Осы мақсатта елімізде балалардың білім алуына қажетті қаражатты алдын ала жинақтауға мүмкіндік беретін «Келешек» бірыңғай ерікті жинақтау жүйесі енгізілуде.

        Жүйенің негізгі мақсаты – баланың жоғары немесе техникалық және кәсіптік білім алуына қаржылық мүмкіндік қалыптастыру. Ата-ана баланың атына жүйелі түрде қаражат жинақтай отырып, оның болашақтағы оқуына қажетті қорды алдын ала жасай алады.

        «Келешек» бірыңғай ерікті жинақтау жүйесінің тағы бір маңызды тұсы оған  мемлекет тарапынан да жан-жақты қолдау қарастырылған. Жинақтау тетіктері арқылы баланың білім алуына арналған қаражаттың біртіндеп қалыптасуына жағдай жасалады. Бұл ата-ананы баласының болашағына ертерек көңіл бөлуге ынталандырады.

       Жинақ жүйесінің тағы бір ерекшелігі – баланың білім алуына бағытталған ұзақ мерзімді қаржылық жоспар құруға мүмкіндік беруі. Жиналған қаражатты жоғары білім алуға, техникалық және кәсіптік білім беруге байланысты мақсаттарға пайдалану көзделеді.

       Бала – елдің ертеңі. Сондықтан оның сапалы білім алуына жағдай жасау – отбасы мен мемлекетке ортақ міндет. «Келешек» жүйесі ата-аналарға осы мақсатқа бүгіннен бастап қаражат жинақтап, баланың болашағына сенімді қадам жасауға мүмкіндік береді.