АУЫЛ ШАРУАШЫЛЫҒЫ ЕҢБЕККЕРЛЕРІ МАРАПАТТАЛДЫ

           Өткен жұмада мерекелік шара аясында, облыс әкімі Берік Уәлидің қатысуымен  Абай облысында ауыл шаруашылығының еңбеккерлеріне сый-құрмет танытылды.

       «Ауыл шаруашылығы және қайта өңдеу өнеркәсібі қызметкерлерінің күні» Абай облысында кеңінен аталып өткізілді. Семей қаласындағы   «Абай атындағы кітапханада» ұйымдастырылған «Алтын күз» салтанатты шарасында өңірдің аграрлық саласында еңбек етіп жүрген үздік мамандар медаль, ордендермен марапатталды.

       Онда «Ауыл» партиясы Абай облысы бойынша өңірлік филиалының төрағасы, Абай облысының Қоғамдық кеңес мүшесі
Смағұлов Қайрат Қанатұлы қатысып, мерекелік жиынмен бірге гүл шоқтарын қою рәсіміне қатысып, бірқатар ауыл шаруашылығы еңбеккерлерін марапаттауға куәгер болды.

       Бұл аталған мерекеде, «Ауыл» партиясының төрағасы, ҚР Парламенті Мәжілісінің депутаты, Аграрлық мәселелер комитетінің төрағасы Егізбаев Серік Рахметоллаұлының құттықтау сөзі оқып беріліп, «Ауыл» партиясының осы саладағы қос бірдей азаматы марапатталған болатын.

        Мерекелік жиында жиналған көпшілік қауымға концерттік бағдарлама да ұсынылды.

         Айта кетейік, биыл алғаш рет ауыл шаруашылығы саласы еңбек озаттарына 10 автокөліктің кілті сыйға тарту етілді. Олардың ішінде «BA AgroGrouр» ЖШС агрономы Медеухан Ануарбекұлы «Үздік агроном» номинациясын иеленді.

          Марапат құтты болсын!

«Ауыл» партиясы Абай облысы бойынша өңірлік филиалының баспасөз қызметі.