САЙЛАУҒА БІР КІСІДЕЙ ҚАТЫСАЙЫҚ!

     Құрметті жерлестер!

      Еліміздің қоғамдық-саяси өміріндегі маңызды демократиялық  үдерістердің бірі – Ұлттық құрылтай мүшелерін сайлау.  Бұл – әрбір азаматқа  өз таңдауын жасап, қоғамның дамуына, елдің болашағына және мемлекеттік саясаттың қалыптасуына өз үлесін қосуға мүмкіндік беретін маңызды науқан.

       Ұлттық құрылтай – мемлекет пен қоғам арасындағы өзара сенім мен ашық диалогты нығайтатын маңызды қоғамдық институт. Сондықтан Құрылтай құрамына халықтың үнін жеткізе алатын, ел мүддесін қорғайтын, қоғамның дамуына үлес қосатын азаматтардың сайлануы аса маңызды.

       Бүгінгі таңда еліміздің тұрақты дамуы мен өркендеуі әрбір азаматтың белсенділігіне, жауапкершілігіне және қоғамдық өмірге араласуына байланысты. Сайлауға қатысу – азаматтық борыш қана емес, ел тағдырына деген жанашырлықтың нақты көрінісі. Осыған орай, баршаңызды 23 тамыз күні өтетін Ұлттық құрылтай мүшелерін сайлауға белсенді қатысып, өз таңдауларыңызды жасауға шақырамын. Әрбір дауыс – маңызды, әрбір таңдау – ел болашағына қосылған үлес.

         Өз құқығыңызды пайдаланып, елдің ертеңі үшін жауапкершілік танытайық. Бірлігіміз бен татулығымызды нығайтып, еліміздің дамуына үлес қосатын лайықты азаматтарды қолдайық.

      Сіздің дауысыңыз – маңызды!
Сіздің таңдауыңыз – ел болашағы!

      23 тамыз күні сайлауға қатысып, азаматтық белсенділіктің үлгісін көрсетейік!

      Бірлігіміз бекем, еліміз аман, келешегіміз кемел болсын!

С.ОҢҒАРОВ,

Мақтаарал аудандық ардагерлер кеңесінің төрағасы.