САЙЫПҚЫРАН.KZ Ақпаратты-сараптамалық порталы АҚПАРАТ ӘЛЕМДІ БИЛЕЙДІ!
Құрметті мақтааралдықтар!
Баршаңызды еліміздің қоғамдық-саяси өміріндегі маңызды оқиғалардың бірі –23 тамызда өтетін Құрылтай сайлауына белсене қатысуға шақырамын. Бұл науқан – азаматтардың қоғам өміріне белсенді араласып, өз таңдауын білдіруге мүмкіндік беретін маңызды саяси үдеріс. Сондықтан әрбір азаматтың сайлауға жауапкершілікпен қарап, өз азаматтық ұстанымын танытуы аса маңызды.
Құрылтай сайлауы Қазақстан Республикасының қолданыстағы заңнамасына сәйкес ұйымдастырылады. Сайлау барысында барлық қатысушылар үшін тең мүмкіндік жасалып, дауыс берудің құпиялығы, заңдылығы және ашықтығы қамтамасыз етіледі. Әрбір сайлаушы өз таңдауын ешқандай қысымсыз, еркін жасай алады.
Қорыта айсақ, сайлау – демократиялық қоғамның басты құндылықтарының бірі. Ол халықтың еркін білдіруге, қоғамдық бастамаларды қолдауға және елдің дамуына өз үлесін қосуға мүмкіндік береді. Азаматтардың белсенділігі – ашықтық пен әділдік қағидаттарына негізделген қоғам қалыптастырудың маңызды алғышарты. Сол себепті де сайлау кезінде берілетін әрбір азаматтың дауысы – аса маңызды. Сайлауға қатысу арқылы біз азаматтық жауапкершілігімізді көрсетіп қана қоймай, қоғамның тұрақты дамуына да өз үлесімізді қосамыз. Белсенділік, заңға құрмет және саналы таңдау – елдің болашағына деген жауапкершіліктің айқын көрінісі.
23 тамызда өтетін Құрылтай сайлауына белсене қатысып, өз таңдауыңызды жасаңыз!
Әрбір дауыс – елдің ертеңіне қосылған маңызды үлес!
Қ.ҚУАНЫШБЕКҰЛЫ,
ҚР Журналистер одағының мүшесі.
