КОЛЛЕДЖДЕ «АУЫЛ» ПАРТИЯСЫНЫҢ БАСТАУЫШ ПАРТИЯ ҰЙЫМЫ АШЫЛДЫ

       Абай облысы, Семей қаласындағы  «Қазтұтынуодағы Агробизнес және Экономика колледжінде» «Ауыл» партиясы Абай облысы бойынша өңірлік филиалының бастамасымен жаңа «Бастауыш партия ұйымы» (БПҰ) құрылды.

       Бұл маңызды қадам – жастардың жалпы қоғамдағы белсенділігін арттыру, еңбек адамы мен білім саласының өкілдерін қолдау, сондай-ақ партия мен  кәсіптік-техникалық, технология-инновациялық бағыттардағы оқу орындары арасындағы өзара ынтымақтастықты нығайтуға бағытталған.

        Іс-шараға, «Ауыл» партиясы Абай облысы бойынша өңірлік филиалының өкілдері А.Жакупова мен Б.Ерсаина, Е.Омарғалиев қатысып, партия қызметінің негізгі бағыттары, бағдарламалық мақсаттары және бастауыш ұйымдардың ел өміріндегі маңызы туралы баяндады.

       Жиын барысында,  колледж қызметкерлері партия қатарына қабылданып, оларға арнайы партиялық төсбелгілер табысталды. Бұл – олардың қоғамдық және азаматтық белсенділігінің нышаны.

       Колледж директоры Жандыбаев Тұрсын Мұқаметқалиұлы сөз сөйлеп, жаңадан құрылған бастауыш партия ұйым  мүшелерін құттықтап, ұйымға сәттілік тіледі.

       «Ауыл» партиясының өкілдері өз кезегінде партияның негізгі мақсаты – еңбек адамының беделін көтеру, ауыл мен аймақтардың дамуына үлес қосу, жастардың белсенділігін арттыру екенін атап өтті.

        Жаңа «Бастауыш партия ұйымның» ашылуы – партияның білім саласымен өзара байланысын күшейтіп, қоғамның әлеуметтік және рухани жаңаруына үлес қосатын маңызды бастама болып табылады.

«Ауыл» партиясы Абай облысы бойынша өңірлік филиалының баспасөз қызметі.