БХАНГАРХ ФОРТЫ

        Қайда орналасқан: Раджастхан, Үндістан

        Тағы бір таңқаларлық орын — XVI ғасырда Раджа Багвант Дастың екінші ұлы Ман Сингх I үшін резиденция ретінде тұрғызылған Бхангарх форты. Оның күшті қабырғалары мен берік қақпалары – керемет сәулетімен танымал сарайларды, сондай-ақ храмдар мен тұрғын үйлерді қорғады. Бірақ белгісіз себептермен 1783 жылы барлық тұрғындар форттан тез кетіп қалды және ол толығымен бос қалды.

        Бұл архитектуралық жадынаманың көптеген ғимараттары бүгінгі күнге дейін жақсы сақталған. Мистикалық даңққа бөленген ол эзотерикалық туризмнің көптеген ізбасарларын тартады және елдің ең көп баратын көрікті жерлерінің бірі болып табылады. Жергілікті тұрғындар бұл бекіністі – түнде осында қалғандардың бәрін өлтіретін зұлым елестер үшін үй ретінде қызмет етеді деп санайды. Себебі, оның аумағында адамдар бірнеше рет жоғалып кеткен екен. Тіпті куәгерлер де сол жерде әйелдердің жылағанын, білезіктердің сықырлағанын және біртүрлі музыканы естігенін, сондай-ақ кезбе шамдарды көргенін айтады.

         Жергілікті халық мұның себебін қарғыс деп санайды. Бір нұсқа бойынша, оны осы фортта тұратын ханшайым Ратнаватиге ғашық болған сиқыршы жасаған. Ол хош иісті бөтелкені махаббат затына ауыстыру арқылы қызды баурап алуға тырысыпты. Бірақ ханшайым бұл туралы біліп қойып, бөтелкені сындырған  үлкен тас күтпеген жерден домалап, сиқыршыны жаншып жіберді. Өліп бара жатып сиқыршы  Ратнавати мен форт тұрғындарына қарғыс тілейді. Тағы бір нұсқада Бхангарх форты, Баба Балу Нат есімді әулиенің қарғысына ұшырағаны айтылады, өйткені керемет құрылым бағандарының көлеңкесі одан күнді жауып, медитация жасауына кедергі келтірген екен. Оның қалауы бойынша цитадель қирандыларға айналыпты.

         Жоғарыда айтылғандардың бәрі біртүрлі болып көрінгенімен, бір факт даусыз болып қала береді — Үндістанның археологиялық қызметі (ASI) бекініс аумағында күн батқаннан таң атқанға дейін тұруға қатаң тыйым салынғаны туралы ескертетін бірнеше тақтайшалар орнатты.