МАҚТАЛЫ АУЫЛДЫҚ ОКРУГІНІҢ ӨЗЕКТІ МӘСЕЛЕЛЕРІ ТАЛҚЫЛАНДЫ

         Мақталы ауылдық округіндегі ескірген электр бағаналарын жаңарту, округтің ішкі көшелерін орташа жөндеуден өткізу бағыттары бойынша жұмыстарды күшейту, тұрғындардың өмір сүру сапасын жақсартуға айрықша көңіл бөлініп, округтің инфрақұрылымын дамыту мәселесіне ерекше назар аударылады.

         Жетісай ауданының әкімі Мұрат Болатұлының төрағалымен өткен жиында Мақталы ауылдық округінің өзекті мәселелері ортаға салынды. Атқарылған жұмыстар сараланып, өзекті мәселелердің шешу жолдары ұсынылды.

           Жиынға аудан әкімінің орынбасарлары мен аппарат басшысы, бөлім басшылары мен тиісті сала мамандары қатысты.

          Мақталы елді мекенінің ауыз су жүйелерін қайта құру нысаны бойынша 2022 жылға бюджеттен 112,2 млн теңге қаржы қаралған. Мердігер «KolsayStroy» ЖШС мекемесіне құрылыс-монтаж жұмыстарын мерзімінде орындаудан кешіккені үшін 600,0 мың теңге тұрақсыздық айыппұлы салынған. Қазіргі таңда құрылыс жұмыстары жалғасын табуда. Аяқталу мерзімі келісім шартқа сәйкес 2022 жылдың қараша айы.

         Шолпанқұдық елді мекенін электр энергиясымен қамтамасыз ететін 0,4 кВ әуе желілері бағаналарымен қоса 2,4 шақырым «ОңтүстікЖарықТранзит» ЖШС-гі мекемесінің инвестициялық жобасы аясында 2025 жылы толықтай жаңартылады.

         2022 жылы Мақталы елді мекеніндегі ішкі көшелерге «Ауыл – Ел бесігі» бағдарламасы бойынша 11,07 шақырымды құрайтын 13 көшеге орташа жөндеу жұмыстарын жүргізу жоспарланған. Жалпы құны 188 млн 536 мың теңге.

        Айта кетейік, аудан әкімі Мұрат Болатұлының Мақталы ауылдық округінің тұрғындарымен кездесуі 16 маусым күні сағат 10:00-де №61 Ғ. Мұратбаев атындағы ЖОМ ғимаратында өтеді.

Бауыржан НАЙМАНОВ,

Жетісай ауданы.