Абайдың 180 жылдығында – текті әулеттен шыққан Жетісайдың қызы «Жеті қазынаға» енді

         Биыл – ұлы ойшыл, дана ақын Абай Құнанбайұлының туғанына 180 жыл. Ел Президенті Қасым-Жомарт Тоқаев атап өткендей, «Абай мұрасын насихаттау – ұрпақтың рухани әлемін байытып, ұлттық болмысты сақтаудың кепілі».

       Осы мерейлі жыл аясында Абай елі – Қарауыл ауылында өткен «Жеті қазына» ұлттық мәдениет, спорт және туризм фестивалінде республикалық «Сұлу әйел – 2025» байқауының Бас жүлдесін Жетісайдың тумасы, бүгінде Шымкент қаласында тұратын Ақмарал Асанқызы Құдайбергенова жеңіп алып, Қазақтың «Жеті қазынасына» енді.

        Ақмарал – Жетісайдағы Абай атындағы мектептің үздік түлегі. Мектеп қабырғасында жүріп-ақ Абай оқуларына қатысып, аудандық, облыстық байқаулардың жеңімпазы атанды. 2000 жылы Семей қаласында өткен тұңғыш республикалық «Абай–Шәкәрім 2000» көркемсөз оқу байқауында жүлделі ІІ орынды иеленіп, туған жерінің абыройын асқақтатты. Мектеп кезінде Абайдың 100 өлеңін жаттап, ақын мұрасын насихаттауда ерекше көзге түсті.

        Ол – текті әулеттің перзенті. Атасы Құдайберген Таңатов – елге еңбегі сіңген, аты Жетісайдағы үлкен көшеге берілген ардақты азамат. Ақмарал – ел билеген болыстың тікелей шөбересі. Әулетінің ел ішіндегі абыройы мен өнегесі – оның бойындағы ізгілік пен парасаттың негізі.

       Бүгінде Ақмарал –
• Екі кітаптың авторы;
• Қазақстан Педагогикалық академиясының профессоры;
• «Қазақстанның үздік кітапханашысы»;
• «Мерейлі отбасы» ұлттық байқауының жеңімпазы;
• Жеті баланың ардақты анасы, ұлттық құндылықтардың жанашыры.

        Жетісай ауданы әкімдігі Ақмарал Асанқызын Абайдың 180 жылдық мерейтойында қол жеткізген бұл зор жеңісімен шын жүректен құттықтайды!

        Тектілік пен тағылымды, білім мен биязылықты қатар ұстанған жерлесіміздің мерейі әрдайым үстем болып, ел абыройын асқақтата берсін!

Ізгі тілекпен,
Жетісай ауданы әкімдігі.