ОРТАЛЫҚ АЗИЯДАН КЕЛГЕН МЕДИЦИНАЛЫҚ ОҚУ ОРЫНДАРЫНЫҢ СТУДЕНТТЕРІНЕ ҚАЗАҚСТАН ОҚУТУ ЖҮРГІЗУДЕ
Posted by: Қалмұрат
in Business, News, PRESS RELEASE, Жаңалықтар, Саясат, Хабарландыру
15/04/2024
12 Views
KazAID Орталық Азиядан келген студенттерге арналған Астана медицина университетімен (АМУ) серіктестікте «Авиценна: Денсаулық сақтау» бағдарламасын іске асырады. Бұл жоба академиялық ұтқырлықты қолдауға және Орталық Азиядағы медициналық білім беру саласындағы өңірлік ынтымақтастықты дамытуға бағытталған.
Бағдарламаның мақсаты — үлгерімі жоғары Қырғызстан мен Тәжікстанның медициналық оқу орындарының студенттерін қолдау.
Бағдарлама ағымдағы жылдың 12 сәуірі мен 2 мамыры аралығында Орталық Азиядан келген 17 студентке арналған медициналық білім берудің әртүрлі аспектілерін қамтитын АМУ академиялық ұтқырлық жоспарына сәйкес екі апталық оқыту курстарын, сондай-ақ Астананың көрікті жерлерімен танысуға арналған мәдени бағдарламаны қамтиды.
Бағдарлама бойынша оқыту қатысушыларға KazAID Қазақстандық халықаралық даму агенттігінің грантының арқасында өтеусіз негізде беріледі.
Бұл бастама Қазақстанның академиялық байланыстарды нығайтуға және Орталық Азиядағы денсаулық сақтау саласындағы жас мамандарды қолдауға деген ұмтылысын көрсетеді.
Анықтама: ҚР СІМ «KazAID» Қазақстандық халықаралық даму агенттігін Қазақстан Үкіметі құрды және дамуға ресми көмек (ДРК) саласындағы оператор болып табылады. «KazAID» ДРК саласындағы мемлекеттік саясатты іске асырады, серіктес елдерде даму мен тұрақты өсуге жәрдемдеседі, Қазақстанның әртүрлі салалардағы жетістіктерін ілгерілетеді, тәжірибе алмасуға және әртүрлі елдердің мамандары арасында байланыс орнатуға ықпал етеді.
ҚР СІМ «KazAID» Қазақстандық халықаралық даму агенттігінің
баспасөз қызметі.
2024-04-15
САЙЫПҚЫРАН.KZ Ақпаратты-сараптамалық порталы АҚПАРАТ ӘЛЕМДІ БИЛЕЙДІ!
