ӨТКЕН ЖЫЛДЫҢ ОСЫ МЕРЗІМІМЕН САЛЫСТЫРҒАНДА 109,1 % ҚҰРАДЫ

             2023 жылдың қаңтар-маусымындағы  Мақтаарал ауданының әлеуметтік экономикалық дамуының қысқаша көрсеткіштері:

            Өнеркәсіп. Мақтаарал ауданы кәсіпорындары (шағын, қосалқы кәсіпорындар, үй шаруашылығы секторын қоса алғанда) 2023 жылдың қаңтар-маусымында  кәсіпорында қолданып жүрген бағамен 14 670 203 млн. теңгенің өнімін шығарып, өнімнің нақты көлем индексі бойынша өткен жылдың осы мерзімімен салыстырғанда  109,1 % құрады.

           Ауыл шаруашылығы. 2023 жылдың қаңтар-маусымында  Мақтаарал ауданы бойынша ауыл шаруашылығы өнімдерінің жалпы көлемі 10 150,1 млн. теңгені (қолданыстағы бағамен ) құрады, бұл 2022 жылмен салыстырғанда нақты көлем индексі 105,8 % болды. Оның ішінде өсімдік шаруашылығы бойынша 840,9 млн. теңге, мал шаруашылығы бойынша 9 297,4  млн. теңгені құрады.

           Сауда. Мақтаарал ауданы бойынша  2023 жылдың қаңтар-маусымында  көтерме сауда 2221,3  млн. теңгені құрап өткен жылдың тиісті кезеңіне 104,0 %, бөлшек сауда тауар айналымы 2 589, 8 млн. болып өткен жылдың осы кезеңімен салыстырғанда  100,1  % болды.

            Еңбек рыногы. Мақтаарал ауданы бойынша 2023 жылдың бірінші тоқсанында ірі, орта және шағын кәсіпорындар, мекемелер мен ұйымдардағы жұмыс істейтін қызметкерлердің есепті саны 13,1 мың адамды құрады.

         2023 жылғы  бірінші тоқсанына  қызметкерлерге есептелген орташа  айлық атаулы жалақы 231 564 теңгені құрап, бұл 2022 жылғы бірінші тоқсанына қарағанда 112,1 % құрады.

        Демографиялық процестер. 2023 жылдың 1 маусымында Мақтаарал ауданындағы халық саны 129 771 мың адам, халықтың табиғи өсімі 1130  адам, туу- 1 410 адам,  қайтыс болғандар  256  адам. Тиісті кезеңде некеге тұрғандар- 326  отбасы,  ажырасқандар-22. Осы кезеңде көші-қон бойынша келгендер- 1 741 адам, кеткендер- 2 234 адам.

         Тұрмыс деңгейі. 2023 жылғы маусымға Мақтаарал ауданы бойынша ең төмен күнкөріс деңгейінің шамасы, орта есеппен 2023 жылғы мамырымен салыстырғанда  3,0 % артты  және  42  205 теңгені құрап отыр.

Р.АЙДАРОВ,

Мақтаарал ауданының Статистика басқармасының басшысы.