МАҚТААРАЛДА КӨКТЕМГІ ДАЛА ЖҰМЫСТАРЫ ҚЫЗУ ЖҮРГІЗІЛУДЕ

        Бүгінде Мақтааралда көктемгі дала жұмыстары қызу қарқынмен жүргізілуде. Қазірдің өзінде диқандар 32794 гектар жерге мақта, 15432,5 гектарға бақша, 1587 гектарға дәнді жүгері, 1045 гектарға көкөніс, 805 гектарға жаңа жоңышқа, 233,5 гектарға картоп және гектар жерге көпжылдық екпелер егіп үлгерген.

        Сәуір айында ауа-райының қолайлы болуы шаруаларымыздың көктемгі дала жұмыстарын жылдағыдан ертерек жүргізуге бастама болды. 2023 жылы Мақтаарал ауданы ауыл шаруашылығы тауарын өндірушілеріне көктемгі дала жұмыстарын жүргізу үшін мемлекет тарапынан жеңілдетілген бағада 5655 тонна жанар жағар май отыны бөлініп бүгінгі таңға 206 теңгеден 1 литірі босатылуда. Бүгінгі таңда 3 690 тонна жанар-жағар май отыны босатылды.

        Ағымдағы жылы мақта егу үшін аудан аумағындағы тұқым шаруашылықтары 1200 тонна мақта шитін дайындап алыс жақын шет мемлекеттерден (Түркия, Өзбекстан, Қытай) қосымша R-1 мақта шитінің тұқымдары алынды. Сонымен қатар көрішлес Өзбекстан мемлекетінің «Наманган – 77» тұқымдық шиті аудан аумағында сынама ретінде 30 гектар алқапқа егілуде.

       Көктемгі дала жұмыстарына барлығы 954 ауыл шаруашылығы тракторы, 415 чизель, 3876 тырма, 212 тұқым сепкіш техникалары қатысты. Биыл шаруаларға көмек беру мақсатында көктемгі дала жұмыстарын жүргізу үшін «Ырыс» микро қаржы ұйымы арқылы көктемгі дала жұмыстарын жүргізу үшін  374,1 млн теңге және «Жетісай несие» ЖШС тарапынан 116 млн теңгеден аса несие берілген.

         Былтырғы жылы 40,4 мыңнан аса гектар жерге мақта дақылы егіліп, аудан бойынша 106 мың тоннадан астам «ақ ұлпа» қамбаға жиналды. Орташа өнімділік 27 центнерге жеткен болатын. Ағымдағы жылы диқандарымыз 35,7 мың гектар алқапқа мақта дықылын егу жоспарланып отыр. 

Мақтаарал ауданы әкімдігінің баспасөз қызметі.