МЕКТЕПТЕРГЕ ТӨРТ АБТОБУС БЕРІЛДІ
Posted by: Қалмұрат
in Білім саласы, Жаңалықтар, Жас буын, Саясат
28/03/2023
25 Views
Мақтаарал ауданының мектептеріне 4 жаңа автобус берілді. Аудан әкімі Бақыт Асанов оқушыларды тасуға арналған көліктердің кілттерін мектеп директорларына тапсырып, көпшілікті қуанышты сәтпен құттықтады.
«Балаларымыз шалғай елдімекендерде тұруына қарамастан, мектепке өз уақытында барып, сапалы біліммен қамтылуы керек. Осы мақсатта облыс әкімінің бастамасымен «Балаларды тасымалдауға арналған автобустарды сатып алу» инвестициялық жобасы аясында ауданымызға 4 автобус беріліп отыр. Аталған көліктер тасымалданатын оқушыларымыздың игілігіне жарай берсін!» — деді, Бақыт Насырханұлы.
Автобустардың кілті Мақтаарал ауылдық округінде орналасқан М.Тоқжігітов, Атакент кентінде орналасқан А.Байтұрсынов, Бірлік ауылдық округінде орналасқан Береке және Достық ауылдық округінде орналасқан М.Ғабдуллин атындағы жалпы орта мектептерінің директорларына табысталды.
М.Тоқжігітов атындағы жалпы орта мектебіне 132 оқушы, А.Байтұрсынов жалпы орта мектебіне 81 оқушы, Береке жалпы орта мектебіне 82 оқушы және М.Ғабдуллин жалпы орта мектебіне 60 оқушы көрші елдімекендерден тасымалданады. Мемлекет тарапынан берілген 4 жаңа автобус арқылы жалпы саны 355 оқушы білім ұясына қатынайды.
Бүгінгі таңда Мақтаарал ауданы бойынша 9 елдімекеннен жалпы саны 560 оқушы мектептерге тасымалданады.
Мақтаарал ауданы әкімдігінің баспасөз қызметі.
Автобус Мақтаарал ауданы әкімдігі Мектеп 2023-03-28
САЙЫПҚЫРАН.KZ Ақпаратты-сараптамалық порталы АҚПАРАТ ӘЛЕМДІ БИЛЕЙДІ!
