ҚАЗАҚСТАН РЕСПУБЛИКАСЫ МЕМЛЕКЕТТІК ТІЛІНІҢ ЗЕРТТЕЛУІ, ОҚЫТЫЛУ ЖӘНЕ ҚОЛДАНУЫНЫҢ ҒЫЛЫМИ-ӘДІСТЕМЕЛІК НЕГІЗДЕРІ

        Мемлекет басшысы Қасым-Жомарт Кемелұлы Тоқаевтың «Мәселе кириллицадан латынға көшуде емес, қазақ тіліне ауқымды реформаның жүргізіліп жатқанында» деген ұстанымын басшылыққа ала отырып Халықаралық “Қазақ тілі” академиясы Əл-Фараби атындағы Қазақ ұлттық университетімен  «Қазақстан Республикасы мемлекеттік тілінің зерттелуі, оқытылу және қолдануының ғылыми-әдістемелік негіздері» тақырыбында кеңейтілген Біріккен сессияны өткізеді.

        Алқалы басқосуға еліміздің танымал тілші ғалымдары, ЖОО профессорлары, Еуропа Одағы, Түркия, АҚШ, туыстас Орта Азия республикаларының лингвист мамандары, Халықаралық “Қазақ тілі” академиясының шетелдік және өңірлік бөлімшелері мен  өкілдіктерінің жетекшілері, тіл жанашырлары, БАҚ өкілдері, жастар қатысады.

        Жиын 2023 ж. 29  наурызы, сағат 11-30-да Əл-Фараби атындағы Қазақ ұлттық университетінің кітапханасында (4 қабат) оффлайн және онлайн форматта өтіп, оны  Халықаралық “Қазақ тілі” академиясының төрағасы, ҚР ҰҒА мүше корреспонденті, филология ғылымдарының докторы, профессор Ерден Қажыбек жүргізеді.

        Халықаралық сессияны Əл-Фараби атындағы Қазақ ұлттық университетінің ректоры, ҚР ҰҒА академигі, филология ғылымдарының докторы профессор Жансейіт ТҮЙМЕБАЕВ пен Түрік Тілі Құрымы (академиясы) президенті,  Проф., Др. Гүрер ГҮЛСЕВИН кіріспе сөз сөйлеп ашады. Отандық жетекші Əл-Фараби, Гумилев, Абай, Назарбаев, Қорқыт Ата, Евней Бөкетов атындағы, Қазақ ұлттық қыздар университеттерінің танымал профессорлары, Түркі мәдениеті Ғылыми-зерттеу институты (Анкара), Американдық түркі тілдері зерттеушілерінің ассоциациясы (Хьюстон), Адам Мицкевич университеті (Польша), Этнография институтының гуманитарлық зерттеу орталығы (Будапешт), Қырғызстан мен Чувашия университеттерінің белді ғалымдары мен жауапты тұлғалары,  Алматы қаласы əкімділігінің  Тілдерді дамыту және ономастика бөлімінің және Түркия мен  Ресейдегі  Халықаралық “Қазақ тілі” академиясының Өкілдіктерінің жетекшілері қатысады.

           Сессияда  Алаш қайраткерлерінің басты ережелеріне және тілдің төл табиғатына негізделген ғылыми жүйе қалыптастыру жайлы, сондай-ақ ұлттық жазуымыз туралы  Қарар қабылданып, тиісті өкілетті инстанцияларға  жолданады.

 Байланыс үшін:

8-702-559-8368 — Алия  РУСТЕМ.