АРМЫСЫҢ ӘЗ-НАУРЫЗ!

          Біздің кітапханамызда Ұлыстың ұлы күні – әз-Наурызға арналған «Армысың әз-Наурыз!» атты мерекелік іс-шара болып өтті. Іс-шараның басты мақсаты –  кітапханамыздың тұрақты жас оқырмандарына бірнеше мың жылдық тарихы бар мерекенің мән-мағынасын жан-жақты таныстыру болды.

        Іс-шара кезінде Әлихан Бөкейхан атындағы жалпы орта мектебінің 2-ші, 5-ші және 7 «А» сыныптарының оқушылары  – Айым Асқарбекқызы, Ұлжалғас Амангелді, Нұрбақыт Бастар, Райхан Қазыхан, Балым Асқарбекқызы, Бағлан Тілеулес,  Нұрасыл Бердіхан, Нұрхан Амангелді, Нұрали  Бақытбекке – дәстүрлі қазақ қоғамында Ұлыс күні жыл басы саналған. Ата-бабамыздың түсінігі бойынша 21 наурыз түні даланы Қыдыр аралайды деген түсінік болғанын айттық. Сондай-ақ, Ұлыс күні қазақ елі үшін әрқашан қасиетті, киелі саналған. Халық таза, жаңа киімдерін киген. Ауылдың ер адамдары бір-бірімен қос қолдасып, төс қағыстырады; әйелдер құшақтасып, бір-біріне игі тілектер айтады. Бірін-бірі мерекеге арнап дайындалған наурыз көже ішуге шақырады. Оған қойдың басы мен сүр ет салып пісірілуі – қыс тағамымен (етпен) қоштасуды, құрамына ақтың қосылуы – жаз тағамымен (сүт, ақ) қауышуды білдіреді. Әдетте, осы күні адамдар арам пиғыл, пендешілік атаулыдан тазарып, ар-ожданы алдында арылады. Ауыл ақсақалдары араларына жік түскен бауырлас ел, руларды, ағайын, дос-жарандарды бір дастарқаннан дәм таттырып, табыстырған, жалғыз жарым жетімдерді үйлендіріп, жеке отау еткен. Кембағал, мүгедектерді жақын туыстарының қарауына арнайы міндеттеп тапсырған. Жұтқа ұшырап қиналғандарға жылу жинап берген. Алтыбақан басында ән айтылып, күй тартылған. Дәстүрлі ұлттық ойындар (көкпар, аударыспақ, күрес, қыз қуу, алтыбақан, тең көтеру, т.б.) ойналатынг болған. Ал таң ата көпшілік биік төбенің басына шығып, атқан таңды қарсы алғаны туралы  айтып бердік.

         Біздің мерекелік шарамызға арнайы келген зейнеткер апа Гүлжахан Жакипова да бұл мейрам туралы басқа да қызықты әңгімелер айтып беріп, оларға өзінің игі тілегін айтты.

Улбике ЕРНАЗАРОВА,

 Атакент кенті-2 филиал, №10 кітапханасынының кітапханашысы, Атакент кенті.