МУЛЬТФИЛЬМДЕГІ БЭТМОБИЛЬ ШЫНАЙЫ ӨМІРДЕ…

          Теміртауда 30 жастағы тұрғын Евгений Бондаренко бэтмобиль құрастыруға 3 жылын жұмсаған.

          Евгений Бондаренко – Теміртауда туып-өскен. Мамандығы онлайн-сауда саласында автомобиль өнімдерімен және көлік құралдарына арналған қосалқы бөлшектермен байланысты. Бала Евгенийдің арманы бүгінде шынайылықпен жанасты. «Бэтмен» фильмдері мен анимациялық картиналардың жанкүйері болған.

            Ол: «Жас ұлғайса да құмарлығым басылмады. Мен қазір де автомобильдерді және олармен байланысты барлық нәрсені жақсы көремін. Кристофер Ноланның қараңғы рыцарь туралы дастанының жанкүйерімін. Batmobile – барлық көлік түрінің ішіндегі ең жақсысы. Үш жыл бұрын оны жасап шығу ойыма келді. Алдымен сызбасын үйдің еденіне салдым. Содан кейін оны шындыққа айналдыра бастадым. Менде сол кезде сызба мен Ford жүк көлігінің артқы көпірі ғана болды», — дейді.

        Көліктің көрермен назарына түскенін қалайтынын атап айтқан тұлпар иесі оның бейнеклиптер, фотосессиялар мен көрмелердің сәнін келтіруге ниетті. Ал алдағы уақытта жер талғамайтын көліктер сериясын шығаруды жоспарлауда.

Қарақат БЕРДАЛЫҚЫЗЫ,

І.Үргенішбаев атындағы орта мектептің 11-сынып оқушысы.

Шалқар ауданы, Ақтөбе облысы.