ПРОБАЦИЯЛЫҚ БАҚЫЛАУ ТӘРТІБІН БҰЗҒАНДАРҒА ЖАЗА ҚАТАЛ

        Пробация қызметі – қылмыстық жазалардың қоғамнан оқшауламай орындалуын қамтамасыз ету, сондай-ақ пробацияны ұйымдастыру және оның жұмыс істеуі жөніндегі атқарушылық және өкімдік функцияларды жүзеге асыратын қылмыстық-атқару (пенетенциарлық) жүйесінің органы.    

      Қазіргі таңда, Түркістан облысы бойынша Қылмыстық-атқару жүйесі департаменті Жетісай аудандық пробация қызметі бөлімінің есебінде 236 сотталған азамат есепте тұрады. Осы есептегі сотталған адамдар арасында әртүрлі мінез-құлықты адамдар кездеседі, бірі қылмыс жасағанына өкініп, қылмыспен келтірген залалдың орнын толтырып, түзелу жолына түскен азаматтыр болсада, ал кейбірі тәртіпке бағынбай, сот жүктеген міндеттерді атқармай, жаза өтеу ережелерін қаскөйлікпен бұзып жатады.

      Мысалы, ағымдағы жылдың 18 маусымы күні Жетісай аудандық сотының қаулысымен – Жетісай аудандық пробация қызметі бөлімінің есебінде тұратын «А» есімді азамат,  өзіне жазасын өтеу тәртібі мен шарттары түсіндірілгеніне қарамастан бірнеше рет әкімшілік жауапкершілікке тартылып, белгіленген уақытта үйінде болмай, профилактикалық іс-шараларға қатысу үшін есеп беруге келмегені, сот жүктеген міндеттерді орындамағаны, жаза өтеу тәртібін қаскөйлікпен бұзғаны үшін және алдағы уақытта жаңадан қылмыс жасауының алдын алумен оның түзелу жолына түсуіне ықпал жасау мақсатында, пробация қызметтің ұсынысы қанағаттандырылды. Осылайша «А» есімді азаматтың жазасының өтелмеген бөлігі бас бостандығынан айыру жазасына ауыстырылып, жазаны Қылмыстық-атқару жүйесінің қауіпсіздігі орташа деңгейіндегі мекемелерінде өтеу белгіленді.

       Бауыржан Момышұлы атамыз айтқандай «Тәртіпсіз ел болмайды, тәртіпке бас иген құл болмайды» деген ұлағатты сөзді еліміздің әрбір азаматы есте сақтауы қажет.

Д.НАЗАРОВ, 

Жетісай аудандық пробация қызметі бөлімінің бастығы,  әділет капитаны.