«МЕДИАЦИЯ — БІТІМГЕРЛІК ЖОЛЫ» ТАҚЫРЫБЫНДА СЕМИНАР ӨТТІ

         Мақтаарал ауданында Қазақстан Республикасының «Медиация туралы» Заңын басшылыққа ала отырып «Медиация — бітімгерлік жолы» тақырыбында семинар-кеңес өтті. Арнайы шара аудан тұрғындары арасында тыныштықты сақтау мен даудың алдын алу, халыққа заң тұрғысынан тегін кеңес беру мақсатында ұйымдастырылды.

        Аудан әкімі аппаратының үлкен мәжіліс залында өткен бұл семинарға – аудандық соттың төрағасы Құнанбай Мұсаев, кәсіби медиаторлар Бауыржан Умирзаков, Гульзира Кенжебаева, Орынбасар Лесбеков, Зере Дәуірхан және қоғамдық кеңес, ардагерлер кеңесінің төрағалары, аудандық құқық қорғау органдарының қызметкерлері, денсаулық сақтау мекемелерінің мамандары, дін қызметкерлері, нотариустер, кенттер мен ауылдық окург әкімдері, дербес бөлім басшылары, БАҚ өкілдерінің қатысты.

        Мақтаарал ауданында өткен осы семинар кеңестің соңы, халықты толғандырып жүрген мәселелер бойынша ашық есік күнімен жалғасын тапты.

Мақтаарал ауданы әкімдігінің баспасөз қызметі.