«ЖАС ҰЛАН» ҰЙЫМЫНА 10 ЖЫЛ

         Еліміздің түкпір-түкпіріндегі мектептердің оқушыларын патриотизмге тәрбиелеп, ең үздіктерге үлкен мүмкіндік сыйлап келе жатқан «Жас Ұлан» балалар мен жасөспірімдер ұйымына 10 жыл. Осы жылдар ішінде Жас ұландықтар білім мен өнердің түрлі биіктерінен көрінді.

          2011 жылдың 6 шілдесінде құрылған «Жас Ұлан» ұйымы республикалық қоғамдық бірлестік саналады. Сол жылы 1-қыркүйекте Елбасы Н.Ә.Назарбаев «Жас Ұлан» балалар мен жасөспірімдер ұйымының алғашқы мүшелерін салтанатты түрде қабылдады. Әзірге, ұйымның 10 жылдық мерейтойы қандай деңгейде тойланатыны белгісіз. Дегенмен, ұйым инстаграмдағы ресми парақшасында «жылдың ішінде санқилы қиындықтарды өткердік. Осы жолда бізбен бірге болып, ұйымның даму жолында еңбек етіп келе жатқан барша жанға алғысымызды білдіреміз! Онжылдық құтты болсын!» деген, жазба қалдырды.

        Мектеп оқушыларының жасөспірім шақтан бастап-ақ, Отансүйгіштікке, туған елге, халыққа адал қызмет етіп, қоршаған ортаны қорғауға бейімделуінде аталған ұйымның маңызы жыл сайын артып келеді. «Жас Ұлан» ұйымының мүшесі болып, өзін сан қырынан көрсете алған талантты ұл қыздарға әрдайым биіктен орын бар.

Жазира БЕКБОЛАТОВА,

Қ. Аманжолов мектебінің 11- сынып оқушысы.

Шардара ауданы, Түркістан облысы.