ТӘУЕЛСІЗДІК БӘРІНЕН ҚЫМБАТ

Жуырда, «Жетісай аудандық мәдениет үйі» КММ-нің қызметкерлері карантиндік талаптарды сақтай отырып, ҚР Президенті Қасым-Жомарт Кемелұлының  «Тәуелсіздік бәрінен қымбат» атты мақаласын кеңінен талқылап әрі насихаттау мақсатында арнайы бас қосу өткізді.

Президентіміздің «Egemen Qazaqstan» газетінде жарияланған «Тәуелсіздік бәрінен қымбат» атты мақаласы азаттықтың ақ таңын атырғанына 30 жыл толған ел үшін өткенге есеп әрі келешекке айқын бағдар болды деп санаймыз.

Алдымен сөз кезегін алып мен, мақаладағы патриоттық сезімді селт еткізер шоқтығы биік сөздерге жете шолып, ҚР Тәуелсіздігінің 30 жылдығында жеткен жетістіктерг кеңінен тоқталдым. Келесі сөз кезегін алған «Жетісай аудандық мәдениет үйі» КММ-нің әдіскері Г.Шәмшиева, Президентіміз Қасым-Жомарт Тоқаев айтқандай, Тәуелсіздік бәрінен қымбат! Кең байтақ даласы әр қазақтың дархан көңіліндей, тұғырлы көк байрағымыз, заңғар да мәртебелі еліміздің – Тәуелсіз Қазақстан атанғанына биыл 30 жыл толып отырғанын, біздің негізгі мақсатымыз – келер ұрпаққа Қазақстанды тұғыры мығым, экономикасы қуатты, рухы асқақ мемлекет ретінде табыстау және елдік істерді шашау шығармай лайықты жалғастыратын жасампаз ұрпақ тәрбиелеу екенін айта келе, ҚР Тұңғыш Президенті – Елбасы Н.Ә.Назарбаев пен Президентіміз Қ.К.Тоқаевтың еселі еңбектерін бағалай отырып, біз, мәдениетін саласы қызметкерлері де, ел мәдениетін көтеру жолында біргелікте еңбек етіміз деген сеніммен, өз ойын айта кетті.

Жиын барысында қатысушы мәдениет саласы қызметкерлер, отырысты – Президентіміздің мақаласына қолдау көрсете отырып, өткен тарихты тереңінен ұғынып, қашанда ел бірлігін нығайту жолында аянбай еңбек ете береміз деген ұранмен аяқтады.

Б.ОРАЛБЕКОВ,

«Жетісай аудандық мәдение үйі» КММ-нің

мәдени ұйымдастырушысы.