ҮНДІСТАН ОТАНДЫҚ ВАКЦИНАЛАРҒА РҰҚСАТ БЕРДІ

Нью-Дели. Үндістан билігі ел аумағында өршіп тұрған короновирус індетінтоқтату бағытында, отандық екі өнімді қолданатын болды-деп хабарлайды жергілікті бұқаралық ақпарат құралдары. 

«Мен ел басына қиындық туғанда Үндістанда жасалған (жергілікті Bharat Biotech компаниясы мен Екпелер институты тарапынан дайындалған) қос вакцинаны қолдануға рұқсат берілгенін мақтаныш тұтамын»-деп ел премьер-министрі Нарендра Моди өз Твиттер парақшасында жазды.

Айта кетсек, осы арқылы Үндістан ковидке қарсы вакцина жасап шығарған әлемдегі санаулы елдердің қатарына еніп отыр. Алайда елдегі  оппозициялық партиялар тексеру деңгейлерінен толық өтпеген вакциналардың бірден пайдалануға рұқсат берілгеніне өз таңданыстарын білдіруде. Бұған дейін Үнді билігі Ресейден «Спутник V» вакцинасы мен Ұлыбританиядан AstraZeneca жасап шығарған вакцинаны алдырып, солардың бірін пайдаланулары мүмкін екендіктерін мәлімдеген болатын.

Серік ДОСЫМОВ, Алматы.