НАУҚАСТАР САНЫ 85 МИЛЛИОННАН АСТЫ

Әлем елдері бойынша коронавирустық инфекцияны жұқтырғандардың  саны дүйсенбіде 85 миллионнан асты-деп хабарлайды американдық Джонс Хопкинс университеті. Университет бұл мәлімдемені  халықаралық ұйымдардың, АҚШ-тың федералды және жергілікті биліктің ақпараттары негізінде жариялап отыр екен.

Бұл мәлімдемеде – қазір әлемде жұқтырған адамдардың саны 85 059 632-ге жетсе, 1 841 077 адам қайтыс болғаны, кесел жұқтырған 47 777 565 адамның толық жазылғаны айтылады. Қатерлі инфекцияны ең көп жұқтырғандар саны бойыша бүгінде  – АҚШ (20 577 177 адам) көш бастап тұр. Жалпы АҚШ-та ауру жұқтырған азаматтардың 351 426-ы қайтыс болған. Екінші орында Үндістан тұр. Бұл елде 10 323 965 жағдай анықталып, оның 149 435-ы өліммен аяқталған. Бұл жайсыз тізімнің үшінші сатысында Бразилия орныққан. Ол елде 7 740 405 азамат инфекцияны жұқтырса, 196 018 тұрғын соның салдарынан қайтыс болған.

Естеріңізде болса, АҚШ билігі короновирустың пайда болуына Қытайды айыптап, ірі көлемде айыппұл төлеуді талап еткен болатын. Ал, Қытай елі өз ккезегінде бұл айыптауларды орынсыз деп санайды.

Досан ҚАБЫЛОВ, Семей қаласы.