Лайықты таңдау – жарқын болашақтың бастауы!

        Елдің ертеңі – бүгінгі таңдаудан басталады. Ал, 23 тамызда өтетін сайлау – әрбір азамат үшін жауапты әрі маңызды күн. Бұл күні халқымыз өз таңдауын жасап қана қоймай, елдің қоғамдық-саяси өміріне белсенді қатысатынын көрсетеді.

       Сайлау – демократиялық қоғамның басты қағидаларының бірі. Ол азаматтарға өз еркін білдіруге, қоғамдық мәселелерге қатысты көзқарасын заң аясында жеткізуге мүмкіндік береді. Әрбір дауыс – халықтың ортақ пікірін қалыптастыратын маңызды бөлшек.

      Қазақстан Республикасының Конституциясы азаматтарға сайлау құқығын береді. Бұл құқықты пайдалану – әр адамның азаматтық жауапкершілігін айқындайтын маңызды қадам. Себебі мемлекет тағдырына бейжай қарамайтын азамат қашанда ел өміріндегі маңызды оқиғалардан шет қалмайды. Әсіресе жастардың белсенділігі маңызды. Себебі олар – елдің келешегі, қоғамның қозғаушы күші. Өз құқығын білетін, саналы таңдау жасай алатын жас ұрпақ қана мемлекеттің тұрақты дамуына үлес қоса алады.

       Бүгінгі таңда елімізде әділетті, ашық әрі жауапты қоғам қалыптастыруға бағытталған реформалар жүзеге асырылып келеді. Осындай кезеңде азаматтардың саяси белсенділігі мен қоғамдық жауапкершілігі ерекше маңызға ие. Сайлауға қатысу – осы жауапкершіліктің нақты көрінісі болып табылады.

       Қорыта айтсақ, қазақ халқы ежелден елдік мәселеде бірлік пен парасатқа сүйенген. «Кеңесіп пішкен тон келте болмайды» деген нақылдың мәні де осында. Ортақ іске үн қосу, ел тағдырына жауапкершілікпен қарау – әрбір азаматтың абыройлы міндеті болуы керек.

Жеңіс ҚОБДА, 

Мақтаарал ауданы.