БҰЛ ПӘНДЕ БАРЛЫҒЫ ДА МАҢЫЗҒА ИЕ

         Биология пәнінің мазмұны мен құрылымы және сабақты өткізуге тиісті материалдарды сараптап алуын тағайындаудан басқа, ең бір басты маңызды мәселелердің бірі – оның әдістерін де орынды қолдана білу болып табылады.

         Пәннен сабақ өткізу әдісін дұрыс таңдап, қолданбаған жағдайда педагог алдына қойған мақсатына дұрыс жете алмайды. Оқушылардың жас ерекшеліктеріне қарай, оқу материалының мазмұнын сәйкестендіре отырып, оқыту әдісін дұрыс таңдағанда ғана сапалы білім беруді қамтамасыз етуге болады.

         Оқыту әдісі дегеніміз – оқушы мен оқытушының алдына қойған мақсатына жету үшін екі жақты іс-әрекеттері. Сондықтан осындай іс- әрекетті дидактикалық принцип тұрғысынан қарайтын болсақ, білім беру мен тәрбиелеуді – дамыту деп те айтуға болады. Сонымен, оқыту әдісі дегеніміз – ұстаздың білім беру әдістері деп қарасақ, екінші жағынан оқушының білімді игеру, қабылдау қабілеттілігі немесе әдісі.

         Оқыту әдістерінің құрылымы сабақ өткізу тәсілдерінен тұрады. Тәсіл дегеніміз – оқыту әдісінің бір ғана элементі, оның жеке бір бөлігі. Биологиядан сабақ беру практикасында оның көптеген әдістері бар екендігін байқауға болады: 1. Дәстүрлі сабақ беру әдістері, сол ертедегі философтар мен педагогтардың сабақ беру жүйелері болып табылады. Бұл әдістегі ең басты мақсат оқушыларға білім берудің қайнар көзіне, білімді қалай, қайдан алу әдістері бойынша қолданылады. Бұл әдіс бойынша білімнің қайнар көзі үшеу: практика, көрнектілік, сөз деп көрсетіледі. 2. Практикалық және еңбек тану іс-әрекеті. Егер оқушының өз бетімен іздену, ойлану процесіне қиындық жағдайлар туатын болса; жаңа проблемалық материалдарды игеруге оқушының тіректік білімі әлі аздау болған жағдайларда қолданылады. 3. Репродуктивті әдістің тағы да бір ерекше пайдалы әсерлерінің бірі оқу материалының жедел игеруді, практикалық, еңбекке деген шеберлігі мен іскерлігін қалыптастыруды қамтамасыз етумен бірге, оқу процесіндегі білімдігін, шеберлігін, іскерлігін басқаруды, кейбір қателік жақтарын, айқындауына мүмкіндік береді.

Рахимова Айдам Абликимовна,

«Баяндай негізгі орта мектебі» КММ химия-биология пәнінің мұғалімі.

Баяндай ауылы,  Еңбекшіқазақ ауданы.