«МЕНІҢ АТЫМ ҚОЖА»

       Өзіміздің «№14 Н.Оңдасынов атындағы жалпы білім беретін мектеп» коммуналдық мемлекеттік мекемесінде  қазақ тілі және әдебиеті пәнінен оқушыларыма «Менің атым Қожа» тақырыбында ашық сабақ өткіздім. 

         Бұл ашық сабақтан көздеген мақсатым – оқушыларыма терең білім мен тәрбие беру, әдеби шығарманың тақырыбы мен идеясын анықтау, олардың өз ойлары мен пікірлерін ашық айтуға үйрету болды.

        Сабақтың негізгі бөлімінде «Галереяға саяхат» әдісі қолданып, сол тәсіл арқылы жүргізілген шығарманың идеясын ашу жұмыстары өте қызықты әрі пайдалы болды. Бұл әдіс оқушылардың шығармашылық қабілеттерін дамытып, оларды топтық жұмысқа баулыды. Сонымен қатар, шығарма мен кинофильм арасындағы байланыс арқылы оқушыларды түрлі көзқарастарға үйретуге мүмкіндік туғыздым. Шығарма кейіпкерлерін әртістердің рөлдерімен сәйкестендіру оқушыларымның визуалды ойлау қабілетін дамытуға көмектесті деп ойлаймын.

        Осы ашық сабақты бекіту барысында оқушыларыммен сондай-ақ,  «Егер де» әдісі арқылы қазіргі таңда Қожа секілді балалармен мектепте жұмыс жасайтын ұйымдардың атқарып жатқан жұмыстары туралы пікірталас жүргізілді. Бұл әдіс шәкірттерімнің өз пікірлерін ашық білдіріп, күрделі мәселелерді шешуге мүмкіндік береді.

         Қорытындылай келе, ашық сабақ барысында оқушыларым атақты балалар жазушысы Бердібек Соқпақбаевтың «Менің атым Қожа» шығармасы арқылы адам өміріндегі тәрбиенің, білімнің, және ортаның рөлін терең түсініп, адамның тұлғалық тұрғыдан қалыптасуына ықпал ететін факторларды көре білді.

 Тамара УСЕРБАЕВА,

«№14 Н.Оңдасынов атындағы ЖББМ КММ  қазақ тілі және әдебиеті пәні  мұғалімі. 

Жетісай ауданы.