ХҚКО қызметкерлері ҰОС ардагері үйінің ауласында сенбілік өткізді

        Түркістан облысы бойынша Мемлекеттік корпорация филиалының қызметкерлері Ұлы Отан соғысының ардагері Немет Абдрасиловтың үйінің ауласына абаттандыру жұмыстарын жүргізді. Іс-шара Жеңіс Күні қарсаңында және «Таза Қазақстан» экологиялық акциясының «Өнегелі ұрпақ»апталығы аясында өтті.

       Түркістанда дүниеге келген Немет Абдрасилов 23 жасында майданға кетіп, Берлинге дейін жеткен. Зеңбірекші, Рейхстаг шабуылына қатысушы, ол Отан соғысы орденінің, I және II дәрежелі Даңқ ордендерінің, Қызыл Жұлдыз орденінің иегері және жиырмадан астам медаль иегері. Бұл Түркістан облысындағы жалғыз соғыс ардагері.

       «Біз ардагерлерімізді еске алып, мақтан тұтамыз, бұл көмек олардың жанқиярлығы үшін терең алғысымыздың аз ғана бөлігі», – деді Түркістан облысындағы мемлекеттік корпорация филиалы директорының орынбасары Нұрзат Бураев.

       Сенбілікке қатысушылар қоқысты тазалап, Немет Абдрасиловтың үйінің жанындағы гүлзарларды ретке келтірді.