Мақтаарал ауданы әкімдігінің Үлкен мәжіліс залында Ұлттық валютамыз теңгенің айналымға енгізілгеніне 30 жыл толуына орай, қаржы мен салық және экономика саласының бір топ қызметкерін марапаттау салтанаты болып өтті.
Мерекелік датаға орайластырылған салатанатты шараны құттықтау сөзімен ашқан Мақтаарал ауданының әкімі Бақыт Асанов, төл теңгеміздің шығу тарихы мен бүгінгі таңдағы жағдайы туралы қысқаша баяндап беріп, марапаттаушыларға өзінің игі тілегін жеткізіп, оларды мерекелік медальдармен және Алғыс хаттармен марапаттады.
Салтанатты шараның соңында аудандық мәдениет үйінің өнерпаздары, залға жиналғандарды мерейлі датамен құттықтай отырып, концерттік бағдарлама қойып берді.
Ұлжан СӘБИТҚЫЗЫ, Мырзакент кенті.