ҰЛТТЫҢ ҰЛЫ ҰСТАЗЫ

        Біздің кітапханамызда осы аптада «Бір ел-бір кітап» акциясы аясында, ұлтымыздың ұстазы, қазақ халқының ұлт-азаттық қозғалысының көсемдерінің бірі, «Алашорда» үкіметінің негізін қалаушы, мемлекет және қоғам қайраткері, түркітанушы, әдебиеттанушы ғалым, ақын, аудармашы Ахмет Байтұрсынұлының туғанына биыл 150 жыл толуына орай «Ұлттың ұлы ұстазы» атты тұлға тану шарасы болып өтті.

       Бұл рухани шараның басты мақсаты – мектеп оқушыларына Ахмет Байтұрсыновтың шығармашылығы, оның кітаптары мен ғылыми еңбектері туралы жан-жақты мағлұмат беру. Ақын өмірін жас буынға үлгі ете отырып, олардың өз елін сүюге, оның көркеюіне үлес қосуға тәрбиелеу,  оқырмандардың танымдық деңгейін дамыту және бүгінгі іс-шарамызда оларға Ахмет Байтұрсынұлының шығармашылық өмір жолын таныстыру болды.

       Мәдени іс-шара барысында оқырмандарымызға А.Байтұрсынұлының шығармашылығы мен оның саяси өміріне арналған кітап көрмесі көрсетілді. Сол көрмеден кітапханамыздың тұрақты оқырмандары 8 сынып оқушылары – Ақерке Құрбан, Манас Мейрхан, Азамат Тәжібай, Рамазан Тәңірқұл, Меруерт Қайып А.Байтұрсынұлының өлеңдері мен тұлғаның кітаптарымен танысты. Сонымен қатар, жас оқырмандарымыз ағартушының қалың қазақ бұқарасының мұң-мұқтажын көздеген ойларға толы мақалалармен де танысып, оның намысты қайрайтын өлеңдерің оқыды.

       Қорыта айтсақ, шара барысында мектеп оқушыларына А.Байтұрсыновтың өмірі мен шығармашылығы келер ұрпаққа мәңгілік өнеге болып қала беретіні түсіндірілді.

Д.БИЛИМБЕТОВА,

Жамбыл а/о, Кеңесшіл ауылдық филиал № 13  кітапханасының меңгерушісі.