СІЗДЕРДІ «АLEM SAZ» ХАЛЫҚАРАЛЫҚ ӨНЕР ФЕСТИВАЛІНДЕ КҮТЕМІЗ!

       «Роза Бағланова атындағы «Қазақконцерт» мемлекеттік концерттік ұйымы 7-16 қараша күндері аралығында «ALEM SAZ» халықаралық өнер фестивалін өткізеді.

       «ALEM SAZ» – әлем елдері мәдениетін шығармашылық ынтымақтастық арқылы бір платформада біріктіруге арналған халықаралық фестиваль болып табылады. Жоба Қазақстан мен әлемнің 76 елі арасындағы дипломатиялық қарым-қатынастарға және АӨСШК (Азиядағы өзара іс-қимыл және сенім шаралары жөніндегі кеңес) құрылғанына 30 жыл толуына орай, қазақ халқының аты аңызға айналған әншісі, Қазақстанның және КСРО-ның еңбек сіңірген әртісі Роза Бағланованың 100 жылдығын мерекелеу аясында ұйымдастырылып отыр.

         «ALEM SAZ» халықаралық фестивалі ұлттар мәдениетін біріктіру, сақтау және дамыту, әлем елдерінің тарихи мұралары мен мәдени құндылықтарына құрметпен қарап, мәдениет және өнер қайраткерлерінің кәсіби шеберлігі мен біліктілігін арттыруға негізделген.

       Фестиваль бағдарламасында: іс-шараның салтанатты ашылуы мен баспасөз конференциясы, сәндік-қолданбалы өнер көрмелері, жәрмеңкелер, фильм көрсетілімдері, дәрістер мен шеберлік сабақтары, жеке концерттер мен Гала-концерт өткізу жоспарланған.

         Халықаралық фестивальді ҚР Мәдениет және спорт министрлігіне қарасты «Роза Бағланова атындағы «Қазақконцерт» мемлекеттік концерттік ұйымы» ұйымдастырып отыр. Іс-шара ҚР Мәдениет және спорт министрлігінің, ҚР Сыртқы істер министрлігінің, ҚР Ақпарат және қоғамдық даму министрлігінің, Қазақстан Республикасындағы шетелдік дипломатиялық өкілдіктердің және Астана қаласы әкімдігінің қолдауымен жүзеге асырылады.

М.ОРЫНБЕТОВА,

Роза Бағланова атындағы «Қазақконцерт»
мемлекеттік концерттік ұйымының
баспасөз қызметі,
infoqazaqconcert@gmail.com
+ 7 702 126 22 09