БУРСАДА «ҚОРҚЫТ АТА» ФЕСТИВАЛІ ӨТУДЕ
Posted by: Қалмұрат
in News, PRESS RELEASE, Анонсы, Жаңалықтар, Мерекелік шара, Руханият, Хабарландыру
04/11/2022
34 Views
1 қарашада Түркияның Бурса қаласында Түркі ұлттарының басын қосқан II-ші «Қорқыт ата» фестивалі ашылды.
Осы мәдени шараның мақсаты – киноөндірістердің көрермендермен инновациялық кездесуі, мәдениет және өнер саласындағы ынтымақтастық мүмкіндіктерін кеңейту, сондай-ақ, киноөнеркәсіп саласындағы ынтымақтастықты дамыту. кино өнері арқылы ортақ тарихи-мәдени және әлеуметтік құндылықтарды нығайту және байыту.
Фестивалға – Түркия, Қазақстан, Қырғызстан, Өзбекстан, Әзірбайжан елдерінен 200-ге жуық қатысушы қатысып отыр. Қатысушылар ішінде режиссерлар, актерлар, журналистер де бар.
Фестивалде бақ сынауға Қазақстан тарапынан 8 фильм қатысуда. Олардың ішінде «Дос-Мұқасан» көркем фильмі, «Мұқағали» өмірбаяндық драмасы, «Ұлы дала таңы» және «Ақ боз үй» тарихи таспалары, «Еуразия билеушілері» деректі фильмі мен «Мұзбалақ» анимациялық картинасы, Қазақстан мен Татарстан бірігіп түсірген «Тарлан» картинасы бар.
Шараға – Қазақстанның халық әртісі Нұржұман Ықтымбаев, Қазақстанның еңбек сіңірген әртісі Жанна Қуанышева, Қазақстанның еңбек сіңірген қайраткерлері Ақан Сатаев, Азамат Сатыбалды, Жайдарбек Күнғожинов, Сатыбалды Текеев, продюсерлер Анара Қашағанова, Айгүл Байбек, Алмагүл Тілеуханова, Айгүл Черендинова, режиссер Бекарыс Елубай т.б. қатысуда.
4 қарашада Фестиваль аясында Түркі елдерінің мәдени астанасы Бурса қаласында II дүниежүзілік түрік кино саммиті өтті.
Түркия мәдениет және туризм министрі вице-министрі Ахмет Мизбаһ Демирджан, Бурса қаласының әкімі Алинур Акташ сөз сөйлеп, ырзашылықтарын білдірді.
Шарада сөз сөйлеушілер тарапынан, фестивальге қатысқан киноларға ортақ дүние түркі халықтарының мәдениеті екені аталып өтті.
Саммит барысында Тимур Бекмамбетовтың режиссерлығымен бейнеленген «Насреддин қожа («Қожанасыр»)» анимациялық мультфильмі жөнінде баяндама жасалынды. Анимациялық фильм 2024 жылы жарыққа шықпақ.
Айзада СЕРІКҚЫЗЫ.
2022-11-04