АТА ЗАҢЫМ АЙБЫНЫМ

       Жуырда біздің кітапханамыздың оқу залында жас оқырмандарымызға Конституциямыздың маңызын түсіндіруге арналған «Ата Заңым айбыным» атты дөңгелек үстел болып өтті.

       Бұл шараның көзделген мақсаты – жас буын өкілдерін еліміздің басты құжатын құрметтеуге үйрету, оларға Конституциямызда айтылған адам құқықтары мен бостандықтары жайлы баптардан түсінік қалыптастыру, құқықтық білімдерін толықтыру, саяси саналықтары мен таным-белсенділіктерін арттыру, заңдарды талдай отырып, оларды өз  беттерімен салыстыра білуге және қажеттілік туындағанда күнделікті өмірде қолдана білуге баулу болды.  Сонымен бірге, олардың бойларында адамгершілік ізгі қасиеттер мен ар-ождан бостандығына адалдық пен мейірімділікке баулу арқылы құқықтық тәрбие беру де басты назарда ұсталды.

         Осы іс-шараның бірінші бөлімінде мен оқушыларға «Ата Заңымыз айдынымыз, әскеріміз – айбынымыз» тақырыбында баяндама оқып бердім, ал екінші бөлімде дөңгелек үстелге жиналғандар Конституциямыздың баптары мен ондағы толықтыруларды талқылап өтті. Қорытынды бөлімде осы маңызды шараға атсалысып қатысқан жастарға өз алғысымды білдірдім. Осылайша дөңгелек үстел қызықты болып өтті.

        Алдағы уақыттарда да жас буынның бойында отансүйгіштікті қалыптастыру, оларды ел заңдарын құрметтеуге үйретуші осындай басқа да іс-шараларды жиі өткізіп отыратын боламыз.

Бибігүл РЫСПАНОВА,

Қ.Пернебаев ауылдық филиал №8 кітапханасының кітапханашысы.

Бірлік ауылдық округі.