ДАУЛЫ ЗАҢ ЖОБАСЫ

         3 мамырда Қазақстан Республикасының Президенті Қасым-Жомарт Тоқаев бала құқықтарын қорғау туралы заңға қол қойды. Осы заңға сәйкес енді билік мессенджерлер мен әлеуметтік желі иелерінен балаларға кибербуллинг деп танылған контентті алып тастауды талап ете алады.

         Осыған дейін 20 сәуірде ҚР Парламентінің Мәжілісінде осы заң жобасы талқыланып отырғанда, Сенат кибербуллингті анықтау үшін сарапшылар комиссиясын құрып, егер де әлеуметтік желінің іс-әрекетінде кибербуллингтің белгілері анықталса, онда оны алып тастау мәселелерін қарастырған еді. Сол отырыс кезінде Сенат төрағасы Мәулен Әшімбаев жобадан ақпарат министрлігінің интернет-ресурстарға, әлеуметтік желі мен мессенджерлерге  шектеу қойып, жұмысын тоқтатуына мүмкіндік беретін «кең өкілеті» жойылғанын хабар етті.

        Кейбір  сарапшылар былтыр қыркүйекте билік партиясы атынан сайланған депутаттар Айдос Сарым мен Динара Закиеваның ұсынған заң жобасы биліктің қолына, цензураның жаңа құралдарын беріп, бұл өзгеріс баланы кибербуллингтен қорғауға, «қауіпті контенттің» таралуымен күреске қарсы бағытталған деп сендірген болатын. Алайда, жаңа заң жобасын билік мақұлдағанмен, өзгерістерге қарсылық білдірген азаматтар петицияға қол жинап, 23 сәуірде Алматыда әлеуметтік желілерді реттеу туралы заң жобасына қарсы рұқсат етілген митинг өткізді. Митингте заң жобасын кері қайтаруға үндеген  30 шақты адамнан құралған топ ел Президенті Қ.К.Тоқаевқа вето құқығын пайдаланып, осы Заң жобасын қабылдатпай тастауға шақырған еді.

Ақбота ОРЫНБАЙ,

Қ.Сәтбаев ат. ЖОББ мектебі

Орал қаласы, Тасқала ауданы.