ҚҰТТЫ БОЛСЫН НАУРЫЗ МЕРЕКЕСІ!

Кең болсын қазағымның керегесі,
Кетпесін Алла берген берекесі. 
Алаштың баласына нәсіп болған,
Құтты болсын НАУРЫЗ мерекесі.

        Құрметті Отандастар, әріптестер, достар баршаңызды халқымыздың ең ұлы мейрамы, адам баласы мен табиғат ана қайта жаңғырып, түлейтін — әз Наурыз мерекесімен шын жүректен құттықтаймын!

         Ақтың молаятын, жарықтың ұзаратын, өмірдің жаңғыратын, пейілдің түзелетін, көңілдің кеңейтін – Наурыз мейрамы құтты болсын!

        Күллі шығыс жұртына ортақ мереке — Наурыздың тарихы тым тереңде жатыр. Күн мен түн теңелетін, ырысы мол мереке біздің жан — дүниемізді шуаққа бөлейді, ой — ниетімізді таза арнаға бұрады. Бұл кешірім мен мейірімнің, үміт пен сенімнің, ізгілік пен түсіністіктің мерекесі. Бұл күні біз өткен жылы жасаған жұмысымызға есеп беріп, келешекке жоспар құрамыз, тәуелсіз еліміздің өркендеп, өсуі жолында жаңа бастамаларға негіз қалаймыз.

            Қазіргі уақытта Наурыз жаңа сипатқа ие болды, ұлтына, діни сеніміне қарамастан Қазақстанды мекендейтін барлық ұлттар мен ұлыстардың ортақ мерекесіне айналды. Халықтар арасындағы достықты бекітуге, бауырластық қарым — қатынастардың нығаюына, әр ұлттың салт — дәстүрінің қайта жаңғыруына осы мейрам үлкен үлесін қосып отыр.

           Наурыз мейрамы туған жер топырағына құт — береке әкелсін. Баршаңызға амандық, саулық, дастархандарыңызға молшылық тілеймін!

Матлуба САПАРОВА,
Мақтаарал ауданы өзбек этносының өкілі.