АЛМАТЫДАҒЫ ТЕРГЕУ ИЗОЛЯТОРЫНЫҢ ҰЖЫМЫ ӘРІПТЕСТЕРІН ЗЕЙНЕТКЕРЛІККЕ ШЫҒАРЫП САЛДЫ
Posted by: Қалмұрат
in Қоғам, Құттықтау, Қылмыс пен жаза, Мерекелік шара
06/03/2022
89 Views
Алматы қаласындағы ЛА-155/18 мекемесінде 70-ке жуық қыз-келіншектер еңбек етеді. Қылмыстық-атқару саласының қиындығы мол қызметін ерлермен бірдей атқарып жүрген нәзік жандыларда кешегі қаңтар оқиғасы кезінде де қызмет орнынан табылып, анттарына адалдық танытты.
Олар биылғы Халықаралық әйелдер мерекесін жылдағыдан ерекше атап өтті. Мекеменің қыз-келіншектеріне арналған жиында ұжымның «Кадр саясаты» бөлімінің бұрынғы басшысы Регина Гамаловна Сабированы құрметті демалысқа салтанатты түрде шығарып салды.
«Мен ЛА-155/18 мекемесінің ер-азаматтарымен бірге қыз-келіншектерге де зор алғысымды білдіремін. Осы мекемеде еңбек еткен кезімде сіздер менің жұмысымның абыройлы болуына қолдау көрсеттіңіздер. Қанша қиын болса да тергеу изоляторында қызмет атқаратын әйелдердің табандылығы мен төзімділігі жас мамандарға үлкен өнеге»-деді өзі еңбек еткен ұжымға алғысын білдірген Регина Гамаловна.
Салтанатты кеште мекеменің медициналық бөлімінің фельдшері Сандуғаш Малыбекова «Қылмыстық-атқару жүйесінің үздігі» медалімен және мекемемізде бақылаушы болып қызмет атқаратын Шолпан Ерубаева, Ішкі істер министрінің Грамотасымен марапатталды. Сондай-ақ, қылмыстық-атқару жүйесінде өнегелі еңбек етіп жүрген аруларға мекеме бастығының Алғыс хаттары табыс етілді.
Гүлнар МАҒЗҰМОВА,
Алматы қаласы.
2022-03-06
САЙЫПҚЫРАН.KZ Ақпаратты-сараптамалық порталы АҚПАРАТ ӘЛЕМДІ БИЛЕЙДІ!
