САЙЫПҚЫРАН.KZ Ақпаратты-сараптамалық порталы АҚПАРАТ ӘЛЕМДІ БИЛЕЙДІ!
1 желтоқсан — Тұңғыш Президент күніне орай, Түркістан облысының қоғамдық даму басқармасы «Қоғамдық келісім» КММ Мақтаарал аудандық филиалының ұйымдастыруымен Мырзакент кентінде ауданымыздағы Елбасының сыныптасы, ардагер ұстаз Рауза Мәтеқызы Төлемісовамен кездесу болып өтті.
Жиынға аудандық ішкі саясат бөлімінің басшысы Т.Ташева, аудандық Әжелер алқасының төрайымы Ш.Құрбанбаева, Түркістан облысы Қазақстан халқы Ассамблеясының мүшесі Ш.Бабаев, аудандық Аналар кеңесі төрайымының орынбасары Л.Тағаева, «Тұрсын-Заде» жалпы орта мектебінің директоры С.Май және этнос жастары қатысты. Кездесуде Рауза Мәтеқызы Елбасының балалық шағы, жүріп өткен өмір жолы туралы естеліктерімен бөлісті.
Еркін форматта өткен жиында осы жылдарда еліміздің жеткен жетістіктері, еліміздегі этностар арасындағы татулық Елбасының жүргізген сарабдал саясатының арқасында екені туралы айтылды.
Сонымен қатар, кездесуде жастар өздерін қызықтырған сұрақтарын қойып пікір алмасты. Жиын соңында «Қоғамдық келісім» КММ Мақтаарал аудандық филиалының басшысы Д.Мырзамұратов іс-шараға қатысушыларды айтулы мерекемен құттықтап, ауданда этносаралық татулықты сақтап, өскелең ұрпаққа отансүйгіштік сезімін қалыптастыруда және қоғамдық іс-шараларға белсене атсалысып жүрген азаматтарды марапаттады.
Мөлдір БАЛХАШОВА,
Түркістан облысының қоғамдық даму басқармасы «Қоғамдық келісім» КММ Мақтаарал аудандық филиалының маманы.
