Deprecated: Function is_staging_site is deprecated since version 3.3.0! Use in_safe_mode instead. in /var/www/vhosts/sayipqiran.kz/httpdocs/wp-includes/functions.php on line 6031 МАҚТААРАЛДА МАҚТА ТЕРІМІ БАСТАЛДЫ - САЙЫПҚЫРАН.KZ Ақпаратты-сараптамалық порталы
«Ақ алтынның» отаны саналған Мақтаарал ауданында мақта терімі басталды. Ең бірінші болып Жамбыл ауылдық округіне қарасты Қанат Айботаев басшылық жасайтын «Айбота» шаруа қожалығы алажаздай өсірген өнімін жинап бастады.
5 гектар жерге «Мақтаарал-4011» мақта сортын еккен қожалық агротехникалық шараларды толық орындаудың арқасында бірінші терімнің өзінде 25 центнерден өнім алуда. Мақта теріміне жергілікті ауыл тұрғындары қатысып, келісіне 30 теңгеден еңбекақылары төленуде. Қожалық басшысы жинаған өнімін «Cotton-Мақта» ЖШС мақта өңдеу зауытына өткізбекші екен.
«Биыл мақтааралдық шаруалар жалпы 35 мың гектардан аса жерге мақта шитін себкен болатын. Қазігі таңда диқандарымыз мақтаға қажетті агротехникалық шараларды аяқтап, мақта жинау науқанын бастап кетті. Аудан бойынша 3 мың гектардан астам мақталық алқапқа дефоляция жұмыстарын жүргізілген. Мақта жинау техникалары, мақта зауыттары мен қабылдау бекеттері толық дайын тұр. Күзгі жиын-терім науқанын сәтті өткізу – бәріміздің ортақ міндетіміз!» – деді ауданның ауыл шаруашылығы бөлімінің басшысы Баязит Әлімқұл.
Мақта терім науқанына дайындау үшін комбайндарға жөндеу жұмыстары толықтай жүргізілген. Жалып аудан бойынша мақта теріміне 567 доңғалақты трактор, 850 дана тіркеме және 162 дана мақта терім машинасы қатысады деп күтілуде. Осының арқасында мақтаны машиналық әдіспен теруді 70%-ға жеткізу жоспарланып отыр.
Биыл ауданда мақта өңдейтін 8 зауыт және 64 мақта қабылдау бекеті шаруаларға қызмет көрсету үшін жиын-терім науқанына толық дайын. Сондай-ақ, күзгі дала жұмыстарын жүргізуге мемлекет тарапынан жеңілдетілген бағамен жанар жағармай шаруаларға таратылуда.
Журналистика саласына кездейсоқ келіп қалсам да бұл салаға қызығушылығым оянғандықтан журналистикада жүргеніме 20 жыл болды. Алғашқы еңбек жолымды "Керуенбасы" газетінде корректорлықтан бастадым. Содан бері баспа журналистиканың барлық саласынан өттім. 2 рет газет шығарушы баспагер де болдым. Осы сайтымнан Сіздер өздеріңізге қажетті ақпараттар аласыздар деген ойдамын.
Сіздер біздің жаңалықтарымызды: https://www.facebook.com/me/
https://twitter.com/KalmuratD www.sayipqiran.kz%2F%3Fp%3D8202
https://www.instagram.com/saipkiran.kz/ https://t.me/sayipkir арқылы да біле аласыздар.
САЙЫПҚЫРАН.KZ Ақпаратты-сараптамалық порталы АҚПАРАТ ӘЛЕМДІ БИЛЕЙДІ!
