АППАРАТ БАСШЫСЫ ЖАС МЕМЛЕКЕТТІК ҚЫЗМЕТКЕРЛЕРМЕН КЕЗДЕСТІ
Posted by: Қалмұрат
in Билік
28/08/2021
44 Views
Сыбайлас жемқорлыққа қарсы іс-қимыл агенттігі Түркістан облыстық департаментінің бастамасымен жер-жерлерде келелі кездесулер өтіп, адалдық, парасаттылық, мемлекеттік қызмет саласындағы оңтайландырулар мен заңбұзушылықтардың алдын алу, сонымен қатар, сыбайлас жемқорлыққа қарсы күресті күшейтіп, мәдениетті қалыптастыру мәселелері жайында түрлі деңгейлерде кездесулер өткізілуде.
Сондай кездесулердің бірі – Жетісай ауданы әкімдігінің кіші мәжіліс залында өтті. Мұнда аудан әкімі аппаратының басшысы, әдеп жөніндегі уәкілі Есенкелді Алданиязов пен «Жетісай Адалдық алаңы» жобалық кеңсесінің жетекшісі Нұрлыбек Мутаев аудан әкімі аппаратының жас мемлекеттік қызметшілерімен, жастармен кездесті.
Кездесу барысында елдегі сыбайлас жемқорлықтың алдын алу бағытында атқарылып жатқан жұмыстардың барысы мен заңнамалық актілеріне, жемқорлық белгілері болып табылатын жағдаяттарға, мемлекеттік қызметкердің этикасы мен қатаң сақтауы тиіс ережелерге, талаптарға тоқталды. Қызметтік бабын асыра пайдаланып, жеке бас пайдасының табысын арттыруға жасалған қылмыстардың салдарымен, заңда белгіленген жауапкершіліктермен таныстырылды. Қандай да бір заңсыздықтарға жол берілген жағдайда қолданылатын жазаның да қатаң екендігін ескертілді.
Жас мемлекеттік қызметшілермен еркін форматта өткен жиын барысында қойылған сұрақтарға жауап беріліп, ұсыныс-пікірлер тыңдалды. Жастарды елдегі сыбайлас жемқорлықпен бірігіп күресуге шақырды.
Бауыржан НАЙМАНОВ.
2021-08-28