Warning: Trying to access array offset on value of type bool in /var/www/vhosts/sayipqiran.kz/httpdocs/wp-content/themes/jarida/functions/common-scripts.php on line 150 «ЖЕТІСАЙ ЖАСТАРЫ» ҚҰРАМАСЫНЫҢ КЕЗЕКТІ ЖЕҢІСІ - САЙЫПҚЫРАН.KZ Ақпаратты-сараптамалық порталы
Спорт пен еңбекті егіз деп білетін «Жетісай жастары» футбол командасы «Жетісай әуесқой лигасы» ойындарында кезекті жеңісіне қол жеткізді.
Жетісай аудандық ішкі саясат бөлімінің «Жастар ресурстық орталығы» КММ демеушілігімен аудан жастарынан жасақталған теңбіл доп шеберлері лига басталғалы жасыл алаңда 11 кездесу өткізген. Олардың 1-інде жеңіліс тапса, 4 кездесуде қарсыластарымен тең түскен. Ал, 6 ойында жасыл алаңнан жеңімпаз болып шыққан.
Бүгін де кезекті кездесуін Мақтаарал ауданының «Мырзакент» командасымен өткізген «Жетісай жастары» құрамасы ойынды ә дегеннен қауіпті шабуылдармен бастады. Команда мүшелері бапкердің ақылы мен нұсқаулықтарын орындап, көрермендердің делебесін қоздырды. Әдемі ойын өрнегін көрсетіп, жанкүйерлерінің үмітін ақтады. Өздерінің қоғамдық-мәдени шараларда ғана емес спортта да белсенді екендіктерін дәлелдеп, 2:1 есебімен жеңіске жетті.
«Біздің командамыз лига басталғалы жақсы ойын өрнегін көрсетіп келеді. Әрбір кездесуде алаңға шыққан сәттен бастап күннің аптап ыстығына қарамай бар мүмкіндігімізді іске қосуға, жанкүйерлеріміздің үміті мен сенімін ақтауға тырысамыз. Біздің мақсатымыз – жеңіс тұғырынан көріну, «Спортпен шұғылдануға уақыт жетпейді» деушілерге спорт пен еңбектің егіз екендігін, екеуін де бірдей алып жүруге болатынына өзгелердің де көзін жеткізу» дейді «Жетісай жастары» футбол командасының капитаны Нұрсұлтан Пазылбеков.
Әр аптаның сенбі-жексенбі күндері «Нұғман» орталық аудандық мешітінің кіші футбол алаңшасында өтетін «Жетісай әуесқой лигасы» ойындарында Жетісай, Мақтаарал және Шардара аудандарынан 20 команда өнер көрсетуде.
Журналистика саласына кездейсоқ келіп қалсам да бұл салаға қызығушылығым оянғандықтан журналистикада жүргеніме 20 жыл болды. Алғашқы еңбек жолымды "Керуенбасы" газетінде корректорлықтан бастадым. Содан бері баспа журналистиканың барлық саласынан өттім. 2 рет газет шығарушы баспагер де болдым. Осы сайтымнан Сіздер өздеріңізге қажетті ақпараттар аласыздар деген ойдамын.
Сіздер біздің жаңалықтарымызды: https://www.facebook.com/me/
https://twitter.com/KalmuratD www.sayipqiran.kz%2F%3Fp%3D8202
https://www.instagram.com/saipkiran.kz/ https://t.me/sayipkir арқылы да біле аласыздар.
САЙЫПҚЫРАН.KZ Ақпаратты-сараптамалық порталы АҚПАРАТ ӘЛЕМДІ БИЛЕЙДІ!
